Hoppa yfir valmynd
StjórnunarstörfHöfuðborgarsvæðið201911/1861Félagsmálaráðuneytið

Rekstrarstjóri á skrifstofu fjárlaga og rekstrar

Rekstrarstjóri á skrifstofu fjárlaga og rekstrar

Félagsmálaráðuneytið auglýsir laust til umsóknar starf rekstrarstjóra á skrifstofu fjárlaga og rekstrar. Í boði er áhugavert og fjölbreytt starf í krefjandi starfsumhverfi og opnu vinnurými. Um er að ræða fullt starf. 

Helstu verkefni og ábyrgð
- Umsjón með fjármálum, rekstri og innri þjónustu ráðuneytisins.
- Eftirlit og umsjón með fjárhags- og launabókhaldi.
- Gerð rekstrar- og framkvæmdaáætlana, ásamt eftirliti.
- Greining og úrvinnsla fjárhagsupplýsinga, svörun fyrirspurna o.fl.
- Ráðgjöf og aðstoð vegna ýmiss konar fjármálaumsýslu ásamt annarri stoðþjónustu.
- Umsjón með greiðslum til nefnda og annarra hópa, gerð verksamninga o.þ.h.
- Umsjón með húsnæðismálum og öryggismálum ásamt innkaupum og birgðahaldi.

Hæfnikröfur
- Háskólamenntun í viðskiptafræði eða önnur sambærileg menntun. Framhaldsmenntun er kostur.
- Þekking og reynsla af bókhaldi, áætlanagerð og eftirliti.
- Hæfni í mannlegum samskiptum og jákvætt viðmót. 
- Frumkvæði, skipulagshæfni og sjálfstæði í vinnubrögðum. 
- Færni í miðlun upplýsinga í mæltu og rituðu máli.
- Þekking og reynsla af opinberri stjórnsýslu er kostur. 
- Þekking á fjárhags- og mannauðskerfi ríkisins er kostur. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Æskilegt er að viðkomandi geti hafið störf sem fyrst. Ráðuneytið hvetur karla jafnt sem konur til að sækja um starfið.

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfnikröfur sem gerðar eru. Mat á hæfni umsækjenda byggist á innsendum gögnum og viðtölum við umsækjendur. Umsókn getur gilt í 6 mánuði. Öllum umsóknum verður svarað þegar ákvörðun um ráðningu liggur fyrir. 

Starfshlutfall er 100%
Umsóknarfrestur er til og með 25.11.2019

Nánari upplýsingar veitir
Svanhvít Jakobsdóttir - [email protected] - 545-8100


Félagsmálaráðuneyti  
Skógarhlíð 6
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira