Hoppa yfir valmynd
Kennsla og rannsóknirHöfuðborgarsvæðið201911/1928Háskóli Íslands

Lektor í eðlislyfjafræði - Lyfjafræðideild

Lektor í eðlislyfjafræði við Lyfjafræðideild Háskóla Íslands

Laust er til umsóknar fullt starf lektors í eðlislyfjafræði við Lyfjafræðideild Háskóla Íslands.

Helstu verkefni og ábyrgð
Sem lektor mun sá sem ráðinn verður uppfylla sína kennsluskyldu innan fræðigreinarinnar og skyldra greina, stunda rannsóknir í sinni sérgrein auk þess að sinna stjórnunarskyldum fyrir hönd deildarinnar og Háskóla Íslands. 

Hæfnikröfur
>>Doktorspróf í lyfjafræði eða skyldum námsgreinum
>>Meistara- eða kandídatspróf í lyfjafræði
>>Rannsóknavirkni á sviði eðlislyfjafræði eða skyldra greina, ásamt sjálfstæði og frumkvæði í rannsóknum. 
>>Reynsla af háskólakennslu og leiðbeiningu rannsóknanema er kostur.
>>Reynsla í öflun rannsóknarstyrkja er kostur.
>>Kostur ef viðkomandi hefur stundað rannsóknir erlendis og/eða er í erlendu samstarfi.
>>Stjórnunarreynsla er æskileg og reynsla af umsjón og skipulagningu námskeiða er kostur.
>>Gott vald á íslensku og ensku.
>>Hæfni í mannlegum samskiptum, áreiðanleiki, frumkvæði og sjálfstæði í vinnubrögðum, ásamt góðri færni í að miðla eigin þekkingu.

Við ráðningu verður miðað við, að sá er starfið hlýtur falli sem best að aðstæðum og þörfum Lyfjafræðideildar. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að viðkomandi hefji störf eigi síðar en 1. júní 2020, eða skv. nánara samkomulagi, þó ekki fyrr en lokið er störfum þeirra nefnda sem um ráðninguna fjalla. 

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta fylgja með umsókn sinni vottorð um námsferil sinn, lýsingu á reynslu af leiðbeiningu í rannsóknartengdu námi, ritaskrá, skýrslu um vísindastörf og önnur störf sem þeir hafa unnið og einnig rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísindasviðs Háskóla Íslands, Sæmundargötu 2, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.

Heilbrigðisvísindasvið Háskóla Íslands er í fararbroddi á sviði heilbrigðismála á Íslandi og gegnir lykilhlutverki í uppbyggingu íslenska heilbrigðiskerfisins með menntun heilbrigðisstarfsmanna. Helstu sérfræðingar þjóðarinnar í heilbrigðisvísindum koma að kennslu og rannsóknum á sviðinu.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og ShanghaiRanking. Hann er ríkisháskóli sem staðsettur er í miðbæ Reykjavíkur. Fjölbreyttur, nútímavæddur og hratt vaxandi, býður Háskóli Íslands upp tækifæri á nær 300 brautum til náms og rannsókna innan flestra sviða vísinda og menntunar, þ.e. innan félagsvísinda, heilbrigðisvísinda, hugvísinda, menntavísinda og verk- og raunvísinda.

Starfshlutfall er 100%
Umsóknarfrestur er til og með 06.01.2020

Nánari upplýsingar veitir
Elín Soffía Ólafsdóttir - [email protected] - 525 5804


Háskóli Íslands
Lyfjafræðideild
Hofsvallagötu 53
107 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira