Hoppa yfir valmynd
Kennsla og rannsóknirHöfuðborgarsvæðið201911/1924Háskóli Íslands

Lektor í sagnfræði

Lektor í sagnfræði

Laust er til umsóknar starf lektors í sagnfræði við Sagnfræði- og heimspekideild við Hugvísindasvið Háskóla Íslands. 

Helstu verkefni og ábyrgð
Umsækjendur skulu geta sýnt fram á með námsferli sínum, starfsreynslu og ritverkum að þeir geti sinnt kennslu og rannsóknum á sviði erlendrar sögu síðari alda. Auk þess er lektornum ætlað að kenna við námsleið innan námsbrautar í sagnfræði sem nefnist Hagnýt menningarmiðlun. Umsækjendur þurfa að sýna fram á sjálfstæði og frumkvæði í rannsóknum og mikilvægt er að þeir hafi reynslu og þekkingu til þess að afla styrkja til rannsóknarstarfa.

Hæfnikröfur
>>Doktorspróf í sagnfræði
>>Virkni og hæfni í rannsóknum
>>Kennslureynsla á háskólastigi er mikilvæg
>>Góð kunnátta í íslensku
>>Góð samstarfshæfni og lipurð í mannlegum samskiptum

Horft verður til þess að sérsvið og reynsla umsækjenda falli sem best að kennslu- og rannsóknaþörfum deildarinnar.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ráðið verður í starfið frá 1. júlí 2020 til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á.

Umsókn og umsóknargögn sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að 6 mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.


Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.

Starfshlutfall er 100%
Umsóknarfrestur er til og með 06.01.2020

Nánari upplýsingar veitir
Óskar Einarsson - [email protected] - 525 5236
Steinunn J Kristjánsdóttir - [email protected] - 525 5280


Háskóli Íslands
Sagnfræði- og heimspekideild
Sæmundargötu 4
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira