Hoppa yfir valmynd
Kennsla og rannsóknirHöfuðborgarsvæðið201911/1927Háskóli Íslands

Lektor í sjúkraþjálfun - Heilbrigðisvísindasvið

Lektor í sjúkraþjálfun, Heilbrigðisvísindasvið, Háskóla Íslands 

Laust er til umsóknar fulltstarf lektors við Námsbraut í sjúkraþjálfun innan Læknadeildar á Heilbrigðisvísindasviði Háskóla Íslands, á sviði taugasjúkdóma innan sjúkraþjálfunar.

Helstu verkefni og ábyrgð
>>Hafa umsjón með og kenna sjúkdóma- og sjúkraþjálfunarfræði, og um endurhæfingu sjúklinga með frávik í taugakerfinu
>>Hafa umsjón með og kenna námskeið um tækja- og tæknibúnað (hjálpartæki/stoðtæki) á sviði sjúkraþjálfunar
>>Byggja upp og leiða rannsóknir við Námsbrautina á sviði taugakerfisins og sjúkdóma þess
>>Leiðbeining meistaraverkefna á sviði taugasjúkdóma og sjúkraþjálfunar
>>Taka þátt í stjórnun námsbrautarinnar

Hæfnikröfur
>>Umsækjendur skulu hafa lokið doktorsprófi í sjúkraþjálfun eða tengdum greinum eða hafa jafngilda þekkingu og reynslu í samræmi við alþjóðleg viðmið fyrir starfsheiti lektors á fræðasviðinu, staðfest með áliti dómnefndar.
>>Umsækjendur skulu hafa klíníska reynslu innan sjúkraþjálfunar 
>>Umsækjendur skulu hafa sérþekkingu á sviði taugakerfisins, sjúkdóma þess, og á sviði hjálpartækja og -tækni
>>Umsækjendur skulu vera virkir í rannsóknum á ofangreindu sviði
>>Umsækjendur skulu hafa reynslu af kennslu og leiðbeiningu á háskólastigi
>>Umsækjendur skulu hafa reynslu af stjórnun
>>Hæfni í mannlegum samskiptum er nauðsynleg

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að ráðið verði í starfið frá 1. júlí 2020, þó ekki fyrr en lokið er störfum þeirra nefnda sem um ráðninguna fjalla. Ráðið verður í starfið til fimm ára með möguleika á ótímabundinni ráðningu sbr. 3. mgr. 31. gr. reglna fyrir Háskóla Íslands nr. 569/2009, sjá á vefnum: http://www.hi.is/is/skolinn/reglur_fyrir_haskola_islands

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um Háskóla Íslands nr. 569/2009. Vakin er athygli á ákvæði í verklagsreglum HÍ um framgang akademískra starfsmanna strax í kjölfar nýráðningar. Þar er kveðið á um að forseti fræðasviðs geti þegar sérstaklega stendur á óskað eftir að akademískur starfsmaður fái framgang í annað starfsheiti en auglýst var, strax í kjölfar nýráðningar.

Umsækjendur skulu láta fylgja umsókninni vottorð um námsferil og störf, ritaskrá, skýrslu um vísindastörf og önnur störf sem þeir hafa unnið og rannsóknaráætlun ef til ráðningar kemur. Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í tvíriti til vísindasviðs Háskóla Íslands, Sæmundargötu 2, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er stærsta mennta-, rannsókna- og vísindastofnun Íslands og er á meðal 300 bestu háskóla heimsins samkvæmt lista Times Higher Education. Hann er ríkisháskóli sem staðsettur er í miðbæ Reykjavíkur. Fjölbreyttur, nútímavæddur og hratt vaxandi, býður Háskóli Íslands upp tækifæri á nær 300 brautum til náms og rannsókna innan flestra sviða vísinda og menntunar, þ.e. innan félagsvísinda, heilbrigðisvísinda, hugvísinda, menntavísinda og verk- og raunvísinda.

Námsbraut í sjúkraþjálfun tilheyrir Læknadeild sem er ein af sex deildum Heilbrigðisvísindasviðs við Háskóla Íslands. Frá þeim tíma er Námsbrautin var stofnuð 1976, bauð hún upp á fjögurra ára BS nám til starfsréttinda í sjúkraþjálfun. Þessu var breytt frá og með haustinu 2014 en síðan þá hefur verið boðið upp á fimm ára nám til starfsréttinda í sjúkraþjálfun; þriggja ára BS nám í sjúkraþjálfunarfræði og tveggja ára MS nám í sjúkraþjálfun. Námsbrautin býður því núna upp bæði BS og MS gráður tengdar sjúkraþjálfun þar sem 35 nemendur eru teknir inn á fyrsta ár í BS náminu. Það er stefna Námsbrautar í sjúkraþjálfun að mennta sjúkraþjálfara sem eru gagnrýnir í hugsun, byggja starf sitt á gagnreyndri þekkingu, skila árangri, fylgja siðareglum og eru virkir í símenntun. Við útskrift eiga nemendur að hafa þróað með sér fagmennsku og samfélagslega ábyrgð. Við Námsbrautina starfa núna sex akademískir starfsmenn sem allir stunda metnaðarfullar rannsóknir á ýmsum sviðum innan sjúkraþjálfunar og tengdra sviða, í samvinnu við erlenda og innlenda aðila. Ætlast verður til að sá sem hlýtur umrætt starf breikki og styrki enn frekar rannsóknarsvið Námsbrautarinnar.

Starfshlutfall er 100%
Umsóknarfrestur er til og með 06.01.2020

Nánari upplýsingar veitir
Kristín Briem - [email protected] - 525 4096


Háskóli Íslands
Læknadeild
v/Vatnsmýrarveg
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira