Hoppa yfir valmynd
HeilbrigðisþjónustaAusturland201911/1945Heilbrigðisstofnun Austurlands

Geislafræðingur - Neskaupstaður

Geislafræðingur 

Heilbrigðisstofnun Austurlands (HSA) óskar eftir að ráða geislafræðing til starfa við myndgreiningardeild Umdæmissjúkrahúss Austurlands/HSA Neskaupstað. Starfshlutfall er 60% eða skv. samkomulagi, dagvinna með bakvöktum. Staðan er laus frá og með 1. desember eða skv. samkomulagi.

Helstu verkefni og ábyrgð
Geislafræðingur vinnur dagleg störf á myndgreiningardeild sjúkrahússins. Á myndgreiningarsviði sjúkrahússins er eitt fast röntgentæki (CR myndplötukerfi), nýlegt 16 sn. sneiðmyndatæki (CT), móbíll og C-bogi. 

Hæfnikröfur
Almenn þekking á meðferð á röntgentækjum.
Hafa þekkingu til að nota sneiðmyndatæki (CT) móbíll og C-bogi.
Lögð er áhersla á metnað í starfi, skipulögð vinnubrögð, jákvæðni og sveigjanleika. Lipurð og áreiðanleiki í samskiptum eru skilyrði. Íslenskukunnátta er áskilin.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag geislafræðinga hafa gert.
Umsóknum skal skilað rafrænt til HSA með því að fylla út umsóknarform á vefsíðu stofnunarinnar; www.hsa.is, undir flipanum Laus störf.
Öllum umsóknum verður svarað. Tekið er mið af jafnréttisstefnu HSA við ráðningar. 

Tóbaksnotkun/Vape er ekki heimil á vinnutíma innan HSA.

HSA starfar á þremur fagsviðum; heilsugæslu-, hjúkrunar- og sjúkrasviði. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Vopnafjarðar, auk ferðamanna sem sækja Austurland heim. Umdæmissjúkrahús Austurlands er í Neskaupstað. Á þjónustusvæði HSA eru auk þess fimm heilsugæslustöðvar, en alls eru starfsstöðvarnar ellefu talsins.
HSA vill byggja þjónustu sína á mannvirðingu, þekkingu og þverfaglegri samvinnu.

Starfshlutfall er 60%
Umsóknarfrestur er til og með 16.12.2019

Nánari upplýsingar veitir
Hallgrímur Axel Tulinius - [email protected] - 470-1450
Sigríður Kristinsdóttir - [email protected] - 470-1404


Heilbrigðisstofnun Austurlands
Neskst. Sjúkrah. Röntgen
Mýrargötu 20
740 Neskaupstaður


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira