Hoppa yfir valmynd
StjórnunarstörfVesturland201911/1955Heilbrigðisstofnun Vesturlands

Yfirlæknir heilsugæslusviðs - Snæfellsnesi

Yfirlæknir heilsugæslusviðs HVE á Snæfellsnesi

Heilbrigðisstofnun Vesturlands óskar eftir að ráða yfirlækni til starfa á heilsugæslusviði HVE á Snæfellsnesi, þar sem eru þrjár starfsstöðvar, þ.e. í Grundarfirði, Ólafsvík og Stykkishólmi.
Um er að ræða nýja stöðu yfirlæknis starfsstöðvanna þriggja og þarf viðkomandi að vera leiðandi í þróun og þverfaglegri samvinnu á svæðinu. 
Yfirlæknir heyrir undir framkvæmdastjóra lækninga í skipuriti.

Helstu verkefni og ábyrgð
Yfirlæknir skipuleggur og samræmir þá læknisþjónustu sem er veitt og gætir þess að hún sé í samræmi við bestu þekkingu og reynslu á hverjum tíma. Ber ábyrgð ásamt yfirhjúkrunarfræðingum að starfsemi heilsugæslustöðvanna fylgi gildandi lögum og reglugerðum. Viðkomandi sinnir samskiptum við sjúklinga, aðstandendur og annað heilbrigðisstarfsfólk auk þess að sinna vísindastörfum og kennslu. Ber ábyrgð á þjónustu og greiningu gagnvart sjúklingum og sér um skráningu þar að lútandi. Sér um gerð vaktaáætlana og skipulag afleysinga. Hefur frumkvæði að gæða- og umbótarverkefnum. Hefur fjárhagslega ábyrgð skv. rekstraráætlunum og sinnir skráningu og skýrslugerð eftir því sem framkvæmdstjóri lækninga gerir kröfur um.
Starfar samkvæmt lögum um heilbrigðisþjónustu nr. 40/2007, lögum um heilbrigðisstarfsmenn nr. 34/2012, lögum um réttindi sjúklinga nr. 74/1997 og lögum um réttindi og skyldur starfsmanna ríkisins nr. 70/1996.

Hæfnikröfur
Íslenskt lækningarleyfi sem og sérfræðiviðurkenning í heimilislækningum er skilyrði. Starfsreynsla á sviði stjórnunar er kostur. 
Lögð er áhersla á frumkvæði, sjálfstæði, skipulagshæfni, nákvæmni, þjónustulund og jákvæðni. 
Leitað er eftir einstaklingi sem hefur áhuga og hæfni til að vinna að aukinni samþættingu þjónustunnar og þverfaglegri teymisvinnu á svæðinu. Viðkomandi þarf því að hafa leiðtogahæfileika og lipurð og áreiðanleiki í samskiptum er skilyrði. 
Góð íslenskukunnátta og almenn tölvukunnátta er skilyrði. 
Áskilinn er réttur til að hafna umsóknum frá einstaklingum sem ekki teljast uppfylla ofangreind skilyrði.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsókn skal fylgja ítarleg náms- og starfsferilskrá. Jafnframt skal leggja fram staðfestar upplýsingar um læknismenntun, læknisstörf og vísinda- og rannsóknarstörf ásamt staðfestu afriti af opinberu starfsleyfi. 
Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast til framkvæmdastjóra lækninga. 
Öllum umsóknum verður svarað þegar ákvörðun um ráðningu hefur verið tekin.

Möguleiki er á aðstoð við útvegun húsnæðis.

Snæfellsnes er góður staður til að búa á, fjölskylduvænt umhverfi og stutt í mikla náttúrufegurð.

Starfshlutfall er 100%
Umsóknarfrestur er til og með 16.12.2019

Nánari upplýsingar veitir
Þórir Bergmundsson - [email protected] - 4321000
Linda Kristjánsdóttir - [email protected] - 4321430


Heilbrigðisstofnun Vesturlands (08716)
Merkigerði 9
300 Akranes


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira