Hoppa yfir valmynd
StjórnunarstörfHöfuðborgarsvæðið201911/1968Háskóli Íslands

Forseti Félagsvísindasviðs

Forseti Félagsvísindasviðs Háskóla Íslands

Háskóli Íslands leitar að öflugum leiðtoga fyrir Félagsvísindasvið sem er eitt af fimm fræðasviðum háskólans.

Forseti Félagsvísindasviðs starfar í umboði rektors. Hann er æðsti yfirmaður og akademískur leiðtogi fræðasviðsins og stjórnar daglegri starfsemi þess. Með forseta fræðasviðs starfar öflugt teymi stjórnenda og sérfræðinga.

Helstu verkefni og ábyrgð
>>útfærslu og framkvæmd stefnu Háskóla Íslands á vettvangi fræðasviðs, 
>>fjármálum og rekstri fræðasviðs og stofnana sem undir það heyra, 
>>gæðum kennslu, rannsókna og þjónustu, 
>>starfsmannamálum, 
>>öflugri liðsheild og faglegu samstarfi, 
>>tengslum við innlenda og erlenda samstarfsaðila, 
>>stjórnsýslu og stoðþjónustu fræðasviðsins.

Hæfnikröfur
>>akademískt hæfi sem og þekkingu og reynslu á háskóla- og/eða rannsóknaumhverfi, 
>>leiðtogahæfileika, 
>>metnaðarfulla og skýra framtíðarsýn, 
>>ríka samskiptahæfni, 
>>farsæla reynslu af stjórnun og stefnumótun.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Ráðið verður í starfið til fimm ára og er áætlað að ráða í starfið frá 1. júlí 2020. Á grundvelli laga nr. 85/2008 um opinbera háskóla sbr. og reglur sem háskólaráð hefur sett getur rektor ákveðið að framlengja ráðningu forseta fræðasviðs til fimm ára í senn. 

Forseti fræðasviðs er ráðinn af rektor að fenginni umsögn sérstakrar nefndar um ráðninguna. 

Með umsókn þarf að fylgja greinargerð um framtíðarsýn umsækjenda og hvernig hann hyggst vinna samkvæmt stefnu Háskóla Íslands 2016-2021.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verði tekin. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 13.000. Háskóli Íslands starfar á fimm fræðasviðum, býður fjölbreytt nám á öllum stigum og er eini háskóli landsins sem býður grunnnám og framhaldsnám í öllum helstu fræðigreinum. Á Félagsvísindasviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður víð íslenskt samfélag og alþjóðlega fræðasamfélagið. 

Starfshlutfall er 100%
Umsóknarfrestur er til og með 06.01.2020

Nánari upplýsingar veitir
Ragnhildur Ísaksdóttir - [email protected] - 525 4355


Háskóli Íslands
Rektorsskrifstofa
v/Suðurgötu
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira