Hoppa yfir valmynd
Kennsla og rannsóknirHöfuðborgarsvæðið201911/1969Háskóli Íslands

Lektor í faraldsfræði

Lektor í faraldsfræði, Heilbrigðisvísindasvið, Háskóli Íslands 

Laust er til umsóknar fullt starf lektors í faraldsfræði við Miðstöð í lýðheilsuvísindum. 

Helstu verkefni og ábyrgð
Viðkomandi er ætlað að hafa umsjón með kennslu námskeiða í faraldsfræði og áhrifavöldum heilbrigðis á meistara- og doktorsstigi. Þá er gert ráð fyrir að lektorinn stundi eigin rannsóknir og sinni handleiðslu meistara- og doktorsnema á þessu sviði, auk þess að sinna stjórnunarskyldum fyrir hönd Miðstöðvar í lýðheilsuvísindum og Háskóla Íslands.

Hæfnikröfur
>>Doktorspróf í faraldsfræðum eða skyldum námsgreinum.
>>Reynsla af háskólakennslu, bæði af umsjón og skipulagningu námskeiða og leiðbeiningu rannsóknanema.
>>Rannsóknavirkni á sviðum faraldsfæði, sjálfstæði og frumkvæði í rannsóknum. 
>>Reynsla í öflun rannsóknarstyrkja.
>>Kostur ef viðkomandi hefur stundað rannsóknir erlendis og/eða er í erlendu samstarfi.
>>Stjórnunarreynsla er æskileg.
>>Gott vald á íslensku og ensku.
>>Hæfni í mannlegum samskiptum, áreiðanleiki, frumkvæði og sjálfstæði í vinnubrögðum, ásamt góðri færni í að miðla eigin þekkingu.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Við ráðningu verður miðað við, að sá er starfið hlýtur falli sem best að aðstæðum og þörfum Miðstöðvar í lýðheilsuvísindum. 

Æskilegt er að viðkomandi hefji störf sem fyrst, eða samkvæmt nánara samkomulagi, eftir að lokið er störfum þeirra nefnda sem um ráðninguna fjalla.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í starfi strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og ótímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta fylgja með umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Starfshlutfall er 100%
Umsóknarfrestur er til og með 15.01.2020

Nánari upplýsingar veitir
Arna Hauksdóttir - [email protected] - 525 4000
Magnús Karl Magnússon - [email protected] - 525 4000


Háskóli Íslands
Lýðheilsuvísindi
v/Suðurgötu
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira