Hoppa yfir valmynd
SérfræðistörfHöfuðborgarsvæðið201911/1973Háskóli Íslands

Sérfræðingur í stærðfræði - Raunvísindastofnun

Sérfræðingur í stærðfræði, Raunvísindastofnun, Háskóli Íslands

Laust er til umsóknar starf sérfræðings í stærðfræði við stærðfræðistofu Raunvísindastofnunar Háskólans.

Stærðfræðistofa Raunvísindastofnunnar er rannsóknavettvangur stærðfræðinga við Háskóla Íslands og eru þar stundaðar rannsóknir á ýmsum sviðum hreinnar og hagnýttrar stærðfræði, stærðfræðilegri eðlisfræði og tölfræði. Starfsmenn Stærðfræðistofu annast einnig kennslu í grunn- og framhaldsnámi jafnframt því að vera leiðbeinendur í rannsóknatengdu námi. Framtíðarmarkmið stærðfræðingahópsins eru að styrkja rannsóknastarfið enn frekar með fleiri og betri birtingum, afla meiri styrkja til alþjóðalegs samstarfs og ráða til skólans nýdoktora og framhaldsnema. 

Helstu verkefni og ábyrgð
Sérfræðingnum, sem starfið hlýtur, er ætlað að stunda rannsóknir á sviði stærðfræði eða stærðfræðilegrar eðlisfræði, hvort sem er hreinnar eða hagnýtrar. Gert er ráð fyrir að kennsla verði hluti af starfsskyldum sérfræðingsins eða um 15% af starfinu. 

Hæfnikröfur
Umsækjandi skal hafa lokið doktorsprófi í stærðfræði eða stærðfræðilegri eðlisfræði þegar hann hefur störf. Æskilegt er að ekki hafi liðið lengri tími en fimm ár frá því umsækjandi lauk doktorsprófi þegar hann tekur við starfinu. Tekið verður tillit til hversu vel rannsóknir umækjanda falla að áherslusviðum stofunnar í rannsóknum í stærðfræði eða stærðfræðilegri eðlisfræði. (Sjá math.hi.is).

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ráðið verður til tveggja ára frá og með 1. september 2020 eða samkvæmt samkomulagi, með mögulegri framlengingu um eitt ár. Til greina kemur að ráða í tvö störf byggt á þessari auglýsingu.

Umsækjendur skulu láta fylgja umsókn sinni 1) vottorð um námsferil sinn og störf, 2) akademíska ferilskrá (Curriculum Vitae), 3) ritaskrá, 4) skýrslu um vísindastörf og önnur störf sem þeir hafa unnið, 5) greinargerð um rannsóknaráform ef til ráðningar kemur. Umsækjandi þarf líka að sjá til þess að 2-3 dómbæra menn til að sendi inn umsagnir um rannsóknir hans og önnur störf. Í umsókn skal koma fram hver ritverka sinna, allt að fimm talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um stjórnunarstörf sín eftir því sem við á.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er framsækin vísinda- og fræðslustofnun sem nýtur alþjóðlegrar viðurkenningar. Við Háskóla Íslands eru yfir 14.000 nemendur og um það bil 1.300 fastráðnir starfsmenn. Verkfræði- og náttúruvísindasvið er eitt fimm fræðasviða skólans. Við sviðið er boðið upp á grunn- og framhaldsnám í öllum helstu greinum verkfræði og náttúruvísinda. Raunvísindastofnun Háskólans er vettvangur rannsókna í stærðfræði, eðlisfræði, efnafræði og jarðvísindum. 

Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans. 

Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.

Starfshlutfall er 100%
Umsóknarfrestur er til og með 20.01.2020

Nánari upplýsingar veitir
Gunnar Stefánsson - [email protected] - 525 4000


Háskóli Íslands
Raunvísindadeild
Hjarðarhaga 2-6
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira