Hoppa yfir valmynd
StjórnunarstörfHöfuðborgarsvæðið201911/1949Landspítali

Hjúkrunardeildarstjóri - speglunardeild

Hjúkrunardeildarstjóri speglunardeildar Landspítala

Starf hjúkrunardeildarstjóra á speglunardeild Landspítala er laust til umsóknar. Hjúkrunardeildarstjórinn er yfirmaður hjúkrunar á deildinni, stjórnar daglegum rekstri og er leiðandi um málefni hjúkrunar. 
Speglunareiningin sinnir bæði almennum speglunum en er einnig sú sérhæfðasta á landinu og sinnir því sjúklingum alls staðar að. Á deildinni starfar um 25 manna hópur samhentra starfsmanna, í nánu samstarfi við marga sérfræðinga Landspítala. Starfsstöðvar eru tvær, við Hringbraut þar sem stærri hluti speglana fer fram og í Fossvogi.

Við óskum eftir framsæknum hjúkrunarfræðingi með framúrskarandi samskipta- og leiðtogahæfileika í starf deildarstjóra. Hjúkrunardeildarstjóri hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Næsti yfirmaður er forstöðumaður skurðstofa og gjörgæsla. 

Starfshlutfall er 100% og veitist starfið frá 1. febrúar 2020 eða eftir nánara samkomulagi. Ráðið er í starfið til 5 ára, sbr. 9.gr. laga um heilbrigðisþjónustu nr. 40/2007 og stefnu Landspítala í ráðningum stjórnenda.

Helstu verkefni og ábyrgð
» Stjórnun og þróun hjúkrunar á deildinni 
» Stuðla að þekkingarþróun í hjúkrun með því að hvetja til rannsókna og nýta rannsóknarniðurstöður
» Ábyrgð á gæða- og öryggismálum deildarinnar í samvinnu við yfirlækni 
» Markvisst umbótastarf og þróun verkferla með skilvirkni, gæði og öryggi að leiðarljósi 
» Ábyrgð á ráðningu, móttöku og þjálfun nýrra starfsmanna sem og endur- og símenntun starfsmanna deildarinnar
» Tryggja að rekstur deildarinnar séu í samræmi við fjárhagsáætlun

Hæfnikröfur
» Hjúkrunarfræðimenntun og íslenskt hjúkrunarleyfi
» Reynsla af stjórnun er skilyrði
» Framhaldsnám í hjúkrun er æskilegt
» A.m.k. 5 ára starfsreynsla sem hjúkrunarfræðingur
» Jákvætt viðmót og afburða hæfni í mannlegum samskiptum
» Frumkvæði og metnaður til að ná árangri 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi vottfestar upplýsingar um nám, fyrri störf, kennslu og vísindavinnu ásamt afriti af prófskírteinum og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið.

Umsóknir verða sendar til stöðunefndar hjúkrunarráðs Landspítala. Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 23.12.2019

Nánari upplýsingar veitir
Hlíf Steingrímsdóttir - [email protected] - 824 5286
Elfa Hrönn Guðmundsdóttir - [email protected] - 691 7823


Landspítali
Skrifstofa aðgerðasviðs
Fossvogi
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira