Hoppa yfir valmynd
StjórnunarstörfHöfuðborgarsvæðið201911/1964Landspítali

Yfirlæknir almennra lyflækninga

Yfirlæknir almennra lyflækninga

Laust er til umsóknar starf yfirlæknis almennra lyflækninga. Starfshlutfall er 100% og veitist starfið frá 1. janúar 2020 eða eftir nánara samkomulagi. Ráðið er í starfið til 5 ára, sbr. 9. gr. laga nr. 40/2007 og stefnu Landspítala í ráðningum stjórnenda.

Leitað er eftir sérfræðilækni með víðtæka reynslu og hæfni til að vera í forystu fyrir þjónustu við sjúklinga, umbótastarf, öryggismál og uppbyggingu mannauðs í nánu samstarfi við framkvæmdastjóra og annað starfsfólk. Gerð er krafa um helgun í starfi yfirlæknis.

Helstu verkefni og ábyrgð
» Fagleg ábyrgð, í samráði við forstöðumann lyflækninga- og endurhæfingarþjónustu og ásamt framkvæmdastjóra meðferðarsviðs og framkvæmdastjóra lækninga 
» Fjárhagsleg ábyrgð, í samráði við forstöðumann lyflækninga- og endurhæfingarþjónustu og endurhæfingar ásamt framkvæmdastjóra meðferðarsviðs 
» Starfsmannaábyrgð í samráði við forstöðumann lyflækninga- og endurhæfingarþjónustu ásamt framkvæmdastjóra meðferðarsviðs

Starfið snýr auk skilvirkrar stýringar mannauðs og rekstrar, að uppbyggingu og eflingu almennra lyflækninga á Landspítala. Þar á meðal skipulagi og þróun legudeildarþjónustu á meðferðarsviði, eflingu dag- og göngudeildarþjónustu auk uppbyggingar á ráðgjafarþjónustu í almennum lyflækningum, ekki síst gagnvart öðrum meðferðarkjörnum og -sviðum. Yfirlækni ber einnig að vinna að frekari þróun framhaldsmenntunar í almennum lyflækningum, í samráði við framhaldsmenntunarstjóra, sem og kennslu kandídata og nema og stuðla að vísindavinnu á sviðinu. Mjög mikilvægt er að viðkomandi hafi skýra sýn á þróun og hlutverk almennra lyflækninga, ekki síst hvort aukin verkefni kalli á endurskoðun á nálgun og verklagi.

Hæfnikröfur
» Leiðtogahæfileikar og geta til að leiða umbótastarf og breytingar
» Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð
» Reynsla af kennslu og vísindastörfum og sýn til framtíðar á þeim sviðum
» Jákvætt viðmót og framúrskarandi hæfni í mannlegum samskiptum
» Frumkvæði og metnaður til að ná árangri 
» Íslenskt sérfræðileyfi í almennum lyflækningum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu Landspítala við ráðningar á spítalanum.

Umsókn skulu fylgja upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun eða ljósriti af greinum sem umsækjandi kann að hafa birt eða skrifað.
Umsókn fylgi einnig kynningarbréf (2-4 blaðsíður) með framtíðarsýn umsækjenda varðandi starfið og sérgreinina auk rökstuðnings fyrir hæfni.

Allar umsóknir eru sendar til mats hjá stöðunefnd lækna hjá Landlæknisembættinu. Viðtöl verða höfð við umsækjendur og byggist ákvörðun um ráðningu í starfið einnig á þeim. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og senda sem viðhengi, en ýtarlegri upplýsingar í umsókn fyrir læknisstöðu, sjá slóð hér fyrir neðan.

Umsókn um læknisstöðu - umsóknareyðublað Landlæknisembættisins

Starfshlutfall er 100%
Umsóknarfrestur er til og með 16.12.2019

Nánari upplýsingar veitir
Guðlaug Rakel Guðjónsdóttir - [email protected] - 543 2270


Landspítali
Skrifstofa meðferðarsviðs
Fossvogur
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira