Hoppa yfir valmynd
StjórnunarstörfHöfuðborgarsvæðið201911/1960Landspítali

Yfirlæknir gjörgæslulækninga

Yfirlæknir gjörgæslulækninga á Landspítala Hringbraut

Starf yfirlæknis gjörgæslulækninga á svæfinga- og gjörgæsludeild Landspítala við Hringbraut er laust til umsóknar. Leitað er eftir sérfræðilækni með víðtæka reynslu og hæfni til að vera í forystu fyrir þjónustu við sjúklinga, umbótastarf, öryggismál og uppbyggingu mannauðs í nánu samstarfi við yfirlækni svæfinga- og gjörgæslulækninga, forstöðumann skurðstofa og gjörgæslna, hjúkrunardeildarstjóra, aðra yfirlækna sviðsins og annað starfsfólk.

Yfirlæknirinn tekur þátt í störfum stjórnendateymis aðgerðasviðs, en næsti yfirmaður er yfirlæknir svæfinga- og gjörgæslulækninga við Hringbraut. Gerð er krafa um helgun í starfi yfirlæknis. 
Starfshlutfall er 100% og veitist starfið frá 1. febrúar 2020 eða eftir samkomulagi. Ráðið er í starfið til 5 ára, sbr. 9.gr. laga nr. 40/2007 og stefnu Landspítala í ráðningum stjórnenda.

Helstu verkefni og ábyrgð
» Fagleg ábyrgð, í samráði við yfirlækni svæfinga- og gjörgæslulækninga, forstöðumann skurðstofa og gjörgæslna og framkvæmdastjóra lækninga
» Dagleg klínísk vinna á gjörgæsludeild
» Umsjón starfsmannamála í samráði við yfirlækni svæfinga- og gjörgæslulækninga
» Þátttaka í áframhaldandi uppbyggingu, skipulagi og þróun svæfinga- og gjörgæslulækninga á Landspítala
» Vinna að frekari uppbyggingu á kennslu nemenda í heilbrigðisvísindagreinum og vísindastarfi á einingunni

Hæfnikröfur
» Íslensk sérfræðiviðurkenning í svæfinga- og gjörgæslulækningum
» Viðbótarnám í gjörgæslulækningum 
» Víðtæk reynsla af gjörgæslulækningum
» Reynsla af kennslu og vísindastörfum 
» Leiðtogahæfileikar og stjórnunarreynsla 
» Jákvætt viðmót og góð hæfni í mannlegum samskiptum
» Hæfni og geta til að vinna í teymi
» Frumkvæði og metnaður til að ná árangri 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf (100%) er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu Landspítala við ráðningar á spítalanum.

Umsókn skulu fylgja upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun eða ljósriti af greinum sem umsækjandi kann að hafa birt eða skrifað.
Umsókn fylgi einnig kynningarbréf (2-4 blaðsíður) með framtíðarsýn umsækjenda varðandi starfið og sérgreinina auk rökstuðnings fyrir hæfni.

Allar umsóknir eru sendar til mats hjá stöðunefnd lækna hjá Landlæknisembættinu. Viðtöl verða höfð við umsækjendur og byggist ákvörðun um ráðningu í starfið einnig á þeim. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og senda sem viðhengi, en ýtarlegri upplýsingar í umsókn fyrir læknisstöðu, sjá slóð hér fyrir neðan.

Umsókn um læknisstöðu - umsóknareyðublað Embættis Landlæknis

Starfshlutfall er 100%
Umsóknarfrestur er til og með 23.12.2019

Nánari upplýsingar veitir
Kári Hreinsson - [email protected] - 825 3790
Elfa Hrönn Guðmundsdóttir - [email protected] - 691 7823


Landspítali
Svæfinga- og gjörgæslulækningar H
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira