Hoppa yfir valmynd
HeilbrigðisþjónustaHöfuðborgarsvæðið201912/1981Landspítali

Hjúkrunarfræðingur - Barnaspítali Hringsins

Hjúkrunarfræðingur á göngudeild Barnaspítala Hringsins

Laust er til umsóknar starf hjúkrunarfræðings á göngudeild Barnaspítala Hringsins með áherslu á þjónustu við börn með svefnvanda og fjölskyldur þeirra. Starfhlutfall er 60% og um dagvinnu að ræða.

Í boði er áhugavert, skemmtilegt og krefjandi starf með fjölþætt viðfangefni tengd svefnvanda ungra barna. Stafið felur í sér uppbyggingu, samræmingu og skipulagningu á þjónustu við börn með svefnvanda og fjölskyldur þeirra.

Góð aðlögun er í boði hjá sérfræðingi í hjúkrun. Spennandi tækifæri fyrir hjúkrunarfræðing sem hefur áhuga á rannsóknum, þróun og eflingu hjúkrunar barna með svefnvanda.
Barnaspítali Hringsins hefur forystu í heilbrigðisþjónustu við börn og unglinga á Íslandi. Þar er veitt fjölbreytileg heilbrigðisþjónusta sem krefst mikillar sérhæfingar.

Helstu verkefni og ábyrgð
» Vinna á göngudeild, m.a. í formi fjölskylduviðtala
» Velja viðeigandi meðferðir fyrir barnið og fjölskylduna í samráði við skjólstæðinga
» Þekkingarþróun
» Uppbygging á þjónustu við fjölskyldur barna með svefnvanda og eftir atvikum aðra þjónustu deildarinnar

Hæfnikröfur
» Íslenskt hjúkrunarleyfi
» Framhalds- eða viðbótarmenntun er æskileg
» Góð samskiptafærni
» Faglegur metnaður og frumkvæði í starfi
» Sjálfstæði í vinnubrögðum og færni til að vinna í teymi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 60%
Umsóknarfrestur er til og með 17.12.2019

Nánari upplýsingar veitir
Ingileif Sigfúsdóttir - [email protected] - 824 5862


Landspítali
Göngudeild BH
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira