Hoppa yfir valmynd
HeilbrigðisþjónustaHöfuðborgarsvæðið201912/1982Landspítali

Sérfræðilæknir - Fíknigeðdeild

Sérfræðilæknir - Fíknigeðdeild

Starf sérfræðilæknis í geðlækningum á fíknigeðdeild er laust til umsóknar frá 1. febrúar 2020 eða eftir nánara samkomulagi. Leitað er eftir sérfræðilækni með framúrskarandi samskiptahæfni sem og faglegan metnað og áhuga á að vinna með einstaklinga með bráðan geðvanda.

Á fíknigeðdeild Landspítala er rekin sérhæfð þjónusta fyrir einstaklinga þar sem geðraskanir og fíknisjúkdómar fara saman (tvígreiningar). Við deildina starfar breiður hópur fagfólks á þremur einingum sem vinna náið saman. Lögð er áhersla á teymisvinnu, einstaklingsmiðaða nálgun og endurskoðun á verkferlum.

Helstu verkefni og ábyrgð
» Greining vanda og gerð meðferðaráætlana
» Þátttaka í þverfaglegri teymisvinnu
» Þátttaka í fjölbreyttu fræðslustarfi og kennslu læknanema
» Handleiðsla deildarlækna
» Þátttaka í bakvöktum sérfræðinga á geðsviði

Hæfnikröfur
» Faglegur metnaður og áhugi á að vinna með einstaklinga með bráðan geðvanda
» Sjálfstæð og skipulögð vinnubrögð
» Framúrskarandi samskiptahæfni 
» Stundvísi og áreiðanleiki
» Íslenskt sérfræðileyfi í geðlækningum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu LSH við ráðningar á spítalanum.

Umsókn fylgi vottfestar upplýsingar um nám, fyrri störf, reynslu af kennslu, vísindavinnu og stjórnunarstörfum ásamt sérprentun eða ljósriti af greinum sem umsækjandi kann að hafa birt eða skrifað. 
Umsókn fylgi einnig kynningarbréf með framtíðarsýn umsækjenda varðandi starfið og sérgreinina auk rökstuðnings fyrir hæfni. 

Mat stöðunefndar læknaráðs Landspítala byggist á innsendum umsóknargögnum. Viðtöl verða höfð við umsækjendur og byggist ákvörðun um ráðningu í starfið einnig á þeim. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar á almenna umsókn og senda sem viðhengi, en ítarlegri upplýsingar í umsókn fyrir læknisstöðu, sjá slóð hér fyrir neðan.

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 17.12.2019

Nánari upplýsingar veitir
Sigurður Örn Hektorsson - [email protected] - 543 4077
Bjarni Össurarson Rafnar - [email protected] - 543 4077


Landspítali
Geðlækningar, fíknigeðdeild
Hringbraut
101 Reykjavík


Smelltu hér til að sækja um starfið

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira