Hoppa yfir valmynd
Kennsla og rannsóknirHöfuðborgarsvæðið201912/2053Háskóli Íslands

Lektor í kennslu- og menntunarfræði

Lektor í kennslu- og menntunarfræði. Háskóli Íslands, Menntavísindasvið. 

Laust er til umsóknar fullt starf lektors á sviði kennslu- og menntunarfræði við Menntavísindasvið Háskóla Íslands. Meðal viðfangsefna lektorsins verða kennsla og rannsóknir á einhverjum af eftirfarandi sviðum kennslu- og menntunarfræði: Fagmennska og hlutverk kennara, rannsóknir með kennurum og þróunarstarf í grunnskólum, menntun án aðgreiningar og alþjóðleg stefnumörkun um menntun og áhrif hennar á skólastarf. 

Starfsskyldur lektors eru kennsla, rannsóknir og stjórnun. 

Helstu verkefni og ábyrgð
>>Kennsla á grunn- og meistarastigi í kennslu- og menntunarfræði.
>>Leiðsögn með lokaverkefnum nemenda.
>>Rannsóknir á einhverjum ofannefndum sviðum kennslu- og menntunarfræði.
>>Að taka þátt í að þróa kennsluhætti í kennslu- og menntunarfræði innan Menntavísindasviðs.
>>Að taka þátt í að þróa rannsóknir í kennslu- og menntunarfræði innan Menntavísindasviðs og byggja upp rannsóknarsamstarf á alþjóðlegum vettvangi.
>>Að efla samstarf við kennara og starfsvettvang þeirra.

Hæfnikröfur
Umsækjendur skulu hafa lokið doktorsprófi á sviði kennslu- menntunarfræði. Æskilegt er að umsækjandi hafi reynslu af erlendu rannsóknarsamstarfi og hafi birt rannsóknarniðurstöður með samstarfsaðilum. Einnig er mikilvægt að umsækjandi hafi starfsreynslu sem kennari á að minnsta kosti einu skólastigi.

Rík áhersla er lögð á að sá sem starfið hlýtur hafi góða færni í kennslu og rannsóknum, og hafi skýra framtíðarsýn um hlutverk sitt í kennslu og rannsóknum á sviðinu. Þá er krafist góðrar samstarfshæfni og lipurðar í mannlegum samskiptum. Horft verður til þess að umsækjendur falli sem best að aðstæðum og þörfum sviðsins í heild.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til tveggja ára með möguleika á framlengingu. Að loknum fimm árum í starfi, ef til framlengingar kemur, er möguleiki á ótímabundinni ráðningu, sbr. 3. mgr. 31. gr. reglna fyrir Háskóla Íslands nr. 569/2009. Gert er ráð fyrir að ofangreint starf verði veitt frá 1. júlí 2020 eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna munu fjalla. 

Umsækjendur skulu láta fylgja umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og greinargerð um áform og framtíðarsýn ef til ráðningar kemur. Umsækjandi skal tilgreina veigamestu ritverk sín, allt að átta talsins, með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skal fylgja greinargerð höfunda fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. 

Umsókn og umsóknargögnum, sem ekki er skilað rafrænt, skal skila í tvíriti til Vísinda- og nýsköpunarsviðs Háskóla Íslands, Sæmundargötu 6, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verði tekin. Umsóknir geta gilt í allt að sex mánuði frá lokum umsóknarfrests. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um Háskóla Íslands nr. 569/2009.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.


Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. 

Á Menntavísindasviði fer fram rannsóknartengt starfsnám fyrir kennara á leik-, grunn- og framhalds- og háskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang. 

Starfshlutfall er 100%
Umsóknarfrestur er til og með 17.01.2020

Nánari upplýsingar veitir
Jónína Vala Kristinsdóttir - [email protected] - 525 5927


Menntavísindasvið
Stakkahlíð
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira