Hoppa yfir valmynd
Kennsla og rannsóknirNorðurland201912/2072Háskólinn á Akureyri

Lektorsstöður við viðskiptadeild

Tvær lektorsstöður við viðskiptadeild HA

Háskólinn á Akureyri auglýsir lausar tvær fullar stöður lektors í reikningsskilum og/eða greinum tengdum rekstri skipulagsheilda við viðskiptadeild viðskipta- og raunvísindasviðs. Umsækjendur skulu vera með grunnmenntun í viðskiptafræðum og sterkan grunn í aðferðarfræði rannsókna. 
Miðað er við að viðkomandi geti hafið störf 1. ágúst 2020. Ráðningartími er tímabundinn til fimm ára en viðkomandi getur óskað eftir ótímabundinni ráðningu að þeim tíma liðnum samkvæmt reglum nr. 258/2016 um störf dómnefndar og ráðningar akademískra starfsmanna við Háskólann á Akureyri. Framgangur í stöðu dósents eða prófessors kemur til greina við ráðningu hafi umsækjandi hæfi til þess að mati dómnefndar.

Helstu verkefni og ábyrgð
Helstu verkefni eru kennsla í reikningsskilum og/eða námskeiðum tengdum rekstri skipulagsheilda og rannsóknir á sviðum viðskiptafræða. Næsti yfirmaður er deildarformaður viðskiptadeildar. Starfsstöð er á Akureyri.
Við viðskiptadeild háskólans eru um 400 nemendur og 13 kennslustöður. Allt grunnnám í viðskiptafræðum er kennt í sveigjanlegu námi og við deildina er boðið upp á rannsóknartengt framhaldsnám á meistara- og doktorsstigi.

Hæfnikröfur
>>Umsækjandi skal hafa þekkingu og reynslu í reikningsskilum og/eða greinum tengdum rekstri skipulagsheilda í samræmi við alþjóðleg viðmið, staðfest með áliti dómnefndar eða með doktorsprófi frá viðurkenndum háskóla, sbr. 1. mgr. 16. gr. laga nr. 85/2008 um opinbera háskóla. 
>>Kennslureynsla á háskólastigi og reynsla af vísindastörfum telst æskileg.
>>Reynsla úr atvinnulífi eða opinberum rekstri er æskileg.
>>Umsækjandi skal sýna fram á hæfni til að kenna námskeið á sviði reikningsskila og/eða greinum tengdum rekstri skipulagsheilda og stunda rannsóknir á sviðum viðskiptafræða. Víðtæk þekking á öðrum sviðum viðskiptafræða er einnig æskileg.
>>Krafist er góðrar hæfni í mannlegum samskiptum, samstarfslipurðar og skipulagshæfni.
>>Við mat á umsóknum er tekið mið af hversu vel viðkomandi uppfyllir þarfir viðskiptadeildar. 

Umsókn skal fylgja:
>>Greinargóð skýrsla um náms- og starfsferil, fræðistörf og kennslureynslu. 
>>Staðfest afrit af öllum viðeigandi prófskírteinum.
>>Greinargerð um fyrirhugaðar rannsóknaráherslur ef til ráðningar kæmi.
>>Umsagnir um kennslu- og stjórnunarstörf umsækjanda eftir því sem við á. 
>>Tilnefna skal þrjá meðmælendur, æskilegt er að einn þeirra sé næsti yfirmaður í núverandi starfi eða fyrra starfi umsækjanda. 
>>Þær fræðilegu ritsmíðar sem umsækjandi telur sín bestu verk (allt að þremur ritum). Þegar fleiri en einn höfundur stendur að innsendu ritverki skal umsækjandi gera grein fyrir framlagi sínu til verksins. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Meðferð umsókna, mat á hæfi umsækjenda og ráðning í starfið er í samræmi við ákvæði laga nr. 85/2008 um opinbera háskóla, reglur nr. 387/2009 fyrir Háskólann á Akureyri og reglur nr. 258/2016 um störf dómnefndar og ráðningar akademískra starfsmanna við Háskólann á Akureyri. Ófullnægjandi umsóknir eru ekki teknar til greina. Háskólinn á Akureyri áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu í starfið hefur verið tekin.

Starfshlutfall er 100%
Umsóknarfrestur er til og með 10.02.2020

Nánari upplýsingar veitir
Hjördís Sigursteinsdóttir, formaður viðskiptadeildar, netfang: [email protected], sími 4608618 og Rannveig Björnsdóttir forseti viðskipta- og raunvísindasviðs, netfang [email protected], sími 4608515

Smelltu hér til að sækja um starfið 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira