Hoppa yfir valmynd
Kennsla og rannsóknirHöfuðborgarsvæðið202001/14Háskóli Íslands

Nýdoktor í máltækni

Nýdoktor í máltækni við Háskóla Íslands

Rannsóknarstofan Mál og tækni við Háskóla Íslands, sem er stýrt af Dr. Antoni Karli Ingasyni, auglýsir eftir umsóknum um starf nýdoktors í máltækni. 

Helstu verkefni og ábyrgð
Þau verkefni sem við vinnum að tengjast samspili tungumáls og tækni og við leggjum m.a. áherslu á sjálfvirka málfarsráðgjöf (svo sem prófarkalestur), málheildir (einkum trjábanka) og þáttun, máltækniinnviði og tengsl máls, samfélags og tækninýjunga. Við leggjum áherslu á að þróa lausnir fyrir íslensku en aðferðirnar sem við vinnum með eru að jafnaði þess eðlis að þeim má beita á ýmis tungumál.

Hæfnikröfur
- Umsækjandi skal vera með doktorsgráðu á fræðasviði sem tengist máltækni, svo sem í tölvunarfræði eða málvísindum, eða skila gögnum sem sýna fram á að slík doktorsgráða verði veitt áður en þetta starf hefst.
- Umsækjandi þarf að vera með reynslu og/eða fræðileg áhugasvið sem falla vel að því starfi sem fer fram á rannsóknarstofunni.
- Umsækjandi þarf að vera góður forritari. Rannsóknastofan notar iðulega Python og tengd verkfæri.
- Umsækjandi þarf að þekkja til nútímalegra aðferða í málvinnslu (e. Natural Language Processing).
- Umsækjandi þarf að hafa gott vald á ensku ritmáli og talmáli.
- Umsækjandi þarf að geta tekið virkan þátt í að undirbúa styrkumsóknir.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
- Umsækjandi sem er ráðinn mun hefja störf eins fljótt og kostur er.
- Ráðið er tímabundið til 36 mánaða.

Öll gögn sem tengjast umsókninni þarf að senda áður en umsóknarfrestur rennur út. Umsóknin skal vera á íslensku eða ensku og hún skal innihalda eftirfarandi:

- Greinargerð sem færir rök fyrir því að umsækjandi sé rétta manneskjan í starfið.
- Nákvæma ferilskrá (CV) með lista yfir útgefin fræðileg ritverk umsækjanda og annað sem máli skiptir.
- Rafræn eintök af mikilvægustu ritverkum umsækjanda (að mati umsækjanda). Ef um meðhöfunda er að ræða skal gera grein fyrir hlut umsækjanda í þeirri vinnu sem um ræðir.
- Skjöl sem staðfesta háskólagráður umsækjanda.
- Nöfn og netföng tveggja meðmælenda.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Til samræmis við málstefnu Háskóla Íslands mun rannsókarstofan Mál og tækni greiða fyrir íslenskukennslu fyrir þá manneskju sem er ráðin ef móðurmál hennar er ekki íslenska.

Senda má fyrirspurnir um umsóknarferlið og formleg atriði sem varða störf við Háskóla Íslands til Dr. Eíríks Smára Sigurðarsonar, rannsóknarstjóra Hugvísindasviðs, [email protected].

Starfshlutfall er 100%
Umsóknarfrestur er til og með 10.02.2020

Nánari upplýsingar veitir
Eiríkur Smári Sigurðarson - [email protected] - 525 4000
Anton Karl Ingason - [email protected] - 525 4000


Háskóli Íslands
Málvísindastofnun
Sæmundargötu 4

101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira