Hoppa yfir valmynd
SérfræðistörfHöfuðborgarsvæðið202001/27Háskóli Íslands

Fjölmenningarfulltrúi

Starf fjölmenningarfulltrúa við Háskóla Íslands

Á Kennslusviði er laust til umsóknar 50% starf fjölmenningarfulltrúa. Viðkomandi mun hafa umsjón með Spretti, verkefni sem snýst um að auka aðgengi innflytjenda að námi á háskólastigi með margvíslegum stuðningi við þann hóp nemenda. Þátttaka nemenda í verkefninu hefst við upphaf framhaldsskóla og lýkur að loknu fyrsta ári þeirra í háskóla. Verkefnisstjóri ber ábyrgð á verkefninu og sinnir öðrum verkefnum sem tengjast jafnréttismálum, einkum á sviði málefna innflytjenda og fjölmenningar. Næsti yfirmaður er sviðsstjóri Kennslusviðs Háskóla Íslands. Viðkomandi mun starfa náið með jafnréttisfulltrúa skólans og jafnréttisnefnd.

Helstu verkefni og ábyrgð
>> Innleiðing verkefnisins Spretts
>> Samskipti og stuðningur við þátttakendur verkefnis
>> Samskipti við fjölskyldur þátttakenda
>> Samskipti við samstarfsaðila verkefnisins, sérstaklega skólastjórnendur framhaldsskóla
>> Sérfræðiráðgjöf, fræðsla, umsjón með viðburðum, eftirfylgni verkefna, áætlanagerð og önnur verkefni á sviði innflytjenda- og jafnréttismála
>> Verkefnisstjóri starfar með stýrihópi Spretts, og skipuleggur jafnframt starfsemi ráðgjafahóps Spretts
>> Önnur verkefni sem næsti yfirmaður felur viðkomandi

Hæfnikröfur
>> Meistarapróf á sviði félagsvísinda eða menntavísinda sem nýtist í starfi
>> Þekking og reynsla á sviði innflytjenda- og jafnréttismála
>> Þekking og reynsla af verkefnastjórnun
>> Góð kunnátta í íslensku og ensku, bæði í rituðu og töluðu máli
>> Frumkvæði, sjálfstæð vinnubrögð og góð samskiptahæfni
>> Nákvæmni og samviskusemi
>> Reynsla af verkefnum sem fela í sér samstarf við fjölbreyttan hóp aðila er æskileg
>> Önnur tungumálakunnátta er kostur, ekki síst í þeim tungumálum sem algengust eru meðal innflytjenda á Íslandi
>> Þekking á öðru menningarumhverfi en íslensku er kostur, ekki síst af menningu þeirra hópa sem fjölmennir eru meðal innflytjenda á Íslandi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að viðkomandi geti hafið störf eigi síðar en í lok febrúar.

Eftirfarandi gögn skulu fylgja umsókn
>> Ferilskrá
>> Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
>> Staðfest afrit af prófskírteinum
>> Upplýsingar um 2-3 umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Starfshlutfall er 50%
Umsóknarfrestur er til og með 27.01.2020

Nánari upplýsingar veitir
Róbert H. Haraldsson - [email protected] - 525 4277


Háskóli Íslands
Kennslusvið
v/Suðurgötu
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira