Hoppa yfir valmynd
Önnur störfHöfuðborgarsvæðið202001/48Landhelgisgæsla Íslands

Sjókortagerð

Sjókortagerð

Landhelgisgæsla Íslands leitar að öflugum, hugmyndaríkum og sveigjanlegum einstaklingi til starfa í sjómælinga- og siglingaöryggisdeild Landhelgisgæslunnar.

Í boði er spennandi starf sem gefur viðkomandi kost á að efla þekkingu og færni, meðal annars með sértæku námi erlendis í sjókortagerð. 

Um Landhelgisgæslu Íslands: 
Landhelgisgæsla Íslands er löggæslustofnun sem samkvæmt lögum er falið að gæta ytri landamæra og standa vörð um fullveldisrétt Íslands á hafsvæðinu kringum landið.
Landhelgisgæslan sinnir meðal annars löggæslu, eftirliti, leit og björgun á hafi auk þess að annast daglega framkvæmd öryggis- og varnartengdra verkefna hér á landi samanber heimild í varnarmálalögum. 
Hjá Landhelgisgæslunni starfar tæplega 200 manna samhentur hópur sem hefur að leiðarljósi slagorðið: Við erum til taks.
Gildi Landhelgisgæslunnar eru:  Öryggi – Þjónusta - Fagmennska

Helstu verkefni:
Vinnsla dýptarupplýsinga til birtingar í sjókortum
Úrvinnsla landupplýsinga og kortagerð
Útgáfa annarra sjóferðagagna og rita sem tengjast siglingum
Önnur tengd verkefni

Menntunar- og hæfniskröfur:
Menntun og reynsla sem nýtist í starfi
Góð enskukunnátta í ræðu og riti
Góð tölvukunnátta
Sjálfstæð og öguð vinnubrögð
Góðir samskiptahæfileikar

Umsækjendur þurfa að standast kröfur Landhelgisgæslunnar um líkamlegt og andlegt atgervi. Einnig skulu starfsmenn uppfylla skilyrði fyrir öryggisheimild samanber varnarmálalög nr. 34/2008 og reglugerð nr. 959/2012.

Launakjör eru samkvæmt kjarasamningi viðkomandi stéttarfélaga og fjármálaráðherra f.h. ríkissjóðs.

Umsóknarfrestur er til og með 27. janúar 2020. Umsækjendur eru vinsamlegast beðnir að sækja um starfið á www.intellecta.is.  Umsókn þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni viðkomandi í starfið. Nánari upplýsingar veita Thelma Kristín Kvaran ([email protected]) og Þórður S. Óskarsson ([email protected]) í síma 511-1225. 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira