Hoppa yfir valmynd
SérfræðistörfHöfuðborgarsvæðið202001/209Tilraunastöð Háskóla Íslands í meinafræði að Keldum

Sníkjudýrafræðingur - Keldur

Sníkjudýrafræðingur - Keldur

Á Tilraunastöð Háskóla Íslands í meinafræði að Keldum er laust til umsóknar starf sérfræðings í sníkjudýrafræði með áherslu á dýrasjúkdóma og dýraheilbrigði.

Starfssvið:
Grunn- og þjónusturannsóknir í sníkjudýrafræði með áherslu á dýraheilbrigði 
Uppbygging og þróun á grunn- og þjónusturannsóknum sem tengjast starfsemi Keldna og greiningar á sníkjudýrum/sníkjudýrasýkingum með hefðbundnum og sameindalíffræðilegum aðferðum. 
Ráðgjöf,  leiðbeiningar og fræðsla á sviði sníkjudýrafræði
Innlend og alþjóðleg vísindastörf og umsóknir í samkeppnissjóði 
Umsjón með rannsóknaverkefnum og leiðbeining nemenda 
Starfsemi tengd hlutverki Keldna sem landsbundin tilvísunarrannsóknastofa (NRL) fyrir sníkjudýr

Hæfniskröfur:
Háskólapróf í lífvísindum, dýralækningum eða dýraheilbrigðisfræðum  
Doktorspróf á sviði sníkjudýrafræði 
Góð þekking á sníkjudýrum og reynsla af hefðbundnum og sameindalíffræðilegum greiningaraðferðum 
Reynsla af verkefnastjórnun og umsóknum í samkeppnissjóði er æskileg
Skipulagshæfni og sjálfstæði í starfi
Góð hæfni í mannlegum samskiptum

Við ráðningu verður horft til þess að umsækjendur falli sem best að aðstæðum og þörfum Tilraunastöðvarinnar.

Umsóknarfrestur er til og með 28. febrúar 2020

Gert er ráð fyrir að ráðið verði í starfið um leið og lokið er störfum þeirra nefnda sem um ráðninguna fjalla.

Nánari upplýsingar um starfið veitir Sigurður Ingvarsson forstöðumaður Keldna (sími 5855123, netfang: [email protected])

Umsóknir um starfið skulu sendar til Bandvins M. Zarioh, verkefnastjóra á vísinda- og nýsköpunarsviði Háskóla Íslands, á netfangið [email protected].

Umsóknum skulu  fylgja vottorð um námsferil, störf, ritaskrá, skýrsla um vísindastörf og önnur störf sem umsækjandi hefur unnið sem og greinargerð um rannsóknaáherslur og framtíðarsýn ef til ráðningar kemur. Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi skal eingöngu senda þessi ritverk sín með umsókn, eða vísa til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skal umsækjendi gera grein fyrir framlagi sínu til verksins. Einnig skal umsækjandi láta fylgja upplýsingar um tvo umsagnaraðila.


Ráðið verður í starfið til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests.

Laun eru samkvæmt kjarasamningi hlutaðeigandi stéttarfélags og fjármálaráðherra.

Við ráðningu í störf við Tilraunastöðina er farið eftir jafnréttisstefnu Keldna. 

Tilraunastöð Háskóla Íslands í meinafræði að Keldum er háskólastofnun sem sinnir grunn- og þjónusturannsóknum á sviði dýraheilbrigðis. Upplýsingar um starfsemi Keldna er að finna á www.keldur.is.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira