Hoppa yfir valmynd
Kennsla og rannsóknirNorðurland202001/235Háskólinn á Akureyri

Lektor í félagsvísindum

Lektor í félagsvísindum

Háskólinn á Akureyri auglýsir lausa 100% stöðu lektors í félagsvísindum við félagsvísindadeild hug- og félagsvísindasviðs. Helstu verkefni eru kennsla á bakkalár-, meistara- og doktorsstigi og rannsóknir á sviði félagsvísinda. Næsti yfirmaður er deildarformaður félagsvísindadeildar. Starfsstöð er á Akureyri.

Miðað er við að viðkomandi geti hafið störf 1. ágúst 2020. Ráðningartími er tímabundinn til fimm ára en viðkomandi getur óskað eftir ótímabundinni ráðningu að þeim tíma liðnum samkvæmt reglum nr. 258/2016 um störf dómnefndar og ráðningar akademískra starfsmanna við Háskólann á Akureyri. Framgangur í stöðu dósents eða prófessors kemur til greina við ráðningu hafi umsækjandi hæfi til þess að mati dómnefndar.

Félagsvísindadeild og námsbraut í félagsvísindum:
Við félagsvísindadeild HA er boðið upp á BA nám í almennum félagsvísindum, fjölmiðlafræði, nútímafræði og lögreglufræði, rannsóknatengt meistaranám í félagsvísindum og doktorsnám í félagsfræði. Nemendur við deildina eru um 500 og 15 kennarar í 13,5 stöðugildum.
BA nám í almennum félagsvísindum er byggt á grundvelli félagsfræði, mannfræði og stjórnmálafræði. Helstu rannsóknaráherslur námsbrautar í félagsvísindum eru afbrotafræði, byggðafræði, kynjafræði og norðurslóðafræði og geta nemendur lokið BA prófi með áherslu á þessum sviðum.

Helstu verkefni og ábyrgð
Leitað er eftir háskólakennara sem kennt getur inngangsnámskeið í félagsvísindum og sérhæfð námskeið á sérsviði sínu. Sérstaklega er leitað eftir einstaklingi með rannsóknaráherslur á sviði afbrotafræði, byggðafræði, kynjafræði eða norðurslóðafræði, en rannsóknaráherslur á sviði fjölmiðlafræði eða annarra sérsviða félagsvísindanna komu einnig til greina. Mikilvægt er að umsækjendur taki virkan þátt í daglegu akademísku samfélagi háskólans og nærsamfélagsins á Norðurlandi.

Hæfnikröfur
- Umsækjandi skal hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar eða með doktorsprófi frá viðurkenndum háskóla. 
- Kennslureynsla á háskólastigi telst æskileg og birtingar á alþjóðlegum, ritrýndum vettvangi eru nauðsynlegar. 
- Krafist er góðrar hæfni í mannlegum samskiptum og skipulagshæfni
- Við mat á umsóknum er tekið mið af hversu vel viðkomandi uppfyllir þarfir félagsvísindadeildar.
- Gott vald á íslensku og ensku er nauðsynlegt

Umsókn skal fylgja:
- Greinargóð skýrsla um náms- og starfsferil, fræðistörf og kennslureynslu.
- Staðfest afrit af öllum viðeigandi prófskírteinum.
- Greinargerð um fyrirhugaðar rannsóknaráherslur og kennslusvið ef til ráðningar kæmi.
- Umsagnir um kennslu- og stjórnunarstörf umsækjanda eftir því sem við á.
- Tilnefna skal þrjá meðmælendur, æskilegt er að einn þeirra sé næsti yfirmaður í núverandi starfi eða fyrra starfi umsækjanda.
- Þær fræðilegu ritsmíðar sem umsækjandi telur sín bestu verk (allt að þremur ritum). Þegar fleiri en einn höfundur stendur að innsendu ritverki skal umsækjandi gera grein fyrir framlagi sínu til verksins.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga nr. 85/2008 um opinbera háskóla, reglur nr. 387/2009 fyrir Háskólann á Akureyri með áorðnum breytingum og reglur nr. 258/2016 um störf dómnefndar og ráðningar akademískra starfsmanna við Háskólann á Akureyri. Ófullnægjandi umsóknir eru ekki teknar til greina. Háskólinn á Akureyri áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu í starfið hefur verið tekin.

Starfshlutfall er 100%
Umsóknarfrestur er til og með 02.03.2020

Nánari upplýsingar veitir
Andrea Hjálmsdóttir, brautarstjóri í félagsvísindum, netfang [email protected]
Þóroddur Bjarnason, deildarformaður félagsvísindadeildar, netfang [email protected]
Elín Díanna Gunnarsdóttir, sviðsforseti hug- og félagsvísindasviðs, netfang [email protected] 

Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira