Hoppa yfir valmynd
Kennsla og rannsóknirHöfuðborgarsvæðið202001/238Háskóli Íslands

Doktorsnemi - Menntavísindasvið

Doktorsnemi, Menntavísindasvið, Háskóli Íslands

Auglýst er eftir doktorsnema til að taka þátt í rannsóknarverkefni sem nýlega hlaut styrk frá Rannís. Gert er ráð fyrir fullu starfi en hægt er að semja um lægra starfshlutfall.

Rannsóknarverkefnið ber heitið: Mat á innleiðingu samvinnunámsaðferða og áhrif þeirra á lestrarfærni nemenda. Markmið rannsóknarinnar er að kanna reynslu kennara af samvinnunámsaðferðum eða félagakennslu (peer assisted learning strategies) og meta áhrif þeirra á lestrarfærni nemenda í 1. og 2.bekk. Áhrif á lestrarfærni nemenda af erlendum uppruna og/eða í áhættu fyrir lestrarerfiðleika verða metin sérstaklega. 

Helstu verkefni og ábyrgð
Rannsóknarverkefnið er unnið af teymi rannsakenda við Háskóla Íslands og Minnesotaháskóla í samstarfi við innlenda og erlenda aðila. Rannsóknarverkefnið er styrkt til þriggja ára. Vinna doktorsnema við rannsóknina og greinaskrif í tengslum við það verður uppistaða doktorsverkefnis hans. Doktorsneminn mun vinna undir leiðsögn dr. Önnu-Lindar Pétursdóttur, prófessors á Menntavísindasviði HÍ og dr. Kristen McMaster, prófessors við Minnesotaháskóla og í samstarfi aðra aðila í rannsóknarteyminu.

Skyldur doktorsnema felast í undirbúningi verkefnis, þátttöku í gagnasöfnun, gagnagreiningu og skrifum fræðigreina um hluta af niðurstöðum rannsóknarinnar undir handleiðslu leiðbeinenda og annarra sem tengjast verkefninu. Þótt doktorsnemi gangi inn áður mótaða rannsókn býður verkefnið upp á sveigjanleika og frekari útfærslur á viðfangsefninu. Doktorsneminn getur valið sér viðfangsefni innan rannsóknarinnar til að gera að sínu doktorsverkefni. Doktorsnámið veitir góðan undirbúning fyrir fræðastörf svo sem háskólakennslu, rannsóknir, ráðgjafastörf, stjórnun, stefnumótun og önnur mikilvæg störf innan menntavísinda.

Hæfnikröfur
>>Umsækjandi skal hafa lokið (eða vera að ljúka) meistaraprófi á sviði mennta- eða félagsvísinda, s.s. kennslufræði, sálfræði, uppeldis-og menntunarfræði eða þroskaþjálfafræði. 
>>Æskilegt er að umsækjandi hafi þekkingu á megindlegum rannsóknaraðferðum. 
>>Umsækjandi verður að hafa góð tök á íslensku og ensku, bæði í töluðu og rituðu máli. 
>>Mikilvægt er að umsækjandi geti unnið bæði sjálfstætt og tekið þátt í teymisvinnu. 
>>Góð samskiptahæfni er nauðsynleg. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Æskilegt er að viðkomandi geti hafið störf sem fyrst. 

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Starfshlutfall er 100%
Umsóknarfrestur er til og með 02.03.2020

Nánari upplýsingar veitir
Anna Lind G Pétursdóttir - [email protected] - 694 5335


Menntavísindasvið
Stakkahlíð
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira