Hoppa yfir valmynd
HeilbrigðisþjónustaHöfuðborgarsvæðið202002/267

Bráðamóttaka Landspítala auglýsir eftir umsóknum læknanema í SAS teymi

Bráðamóttaka Landspítala auglýsir eftir umsóknum læknanema í SAS teymi


Bráðadeild G2 og bráða- og göngudeild G3 óska eftir að ráða áhugasama læknanema í SAS teymi bráðadeildar Landspítala. Um er að ræða streymisteymi sem sinnir heildrænt vægum tilfellum með það að markmiði að flýta fyrir þjónustu sjúklinga. Teymið samanstendur af sérfræðilækni, ritara (læknaritara eða læknanema) og hjúkrunarfræðingi.


Helstu verkefni og ábyrgð
Læknanemarnir munu starfa við hlið sérfræðings bráðadeildar og sjá um skráningu í sjúkraskrá auk þess að aðstoða við pöntun og eftirfylgd rannsókna og útfyllingu eyðublaða. Að auki er það sérstakt hlutverk læknanemanna að sjá um útfyllingu tryggingaeyðublaða fyrir ferðamenn sem þurfa að leita á bráðadeild Landspítala.


Hæfnikröfur
» Læknanemi skal að lágmarki vera á 4. námsári 
» Góð almenn tölvukunnátta og þekking á Sögukerfi og Heilsugátt er skilyrði 
» Menntun og reynsla sem nýtist í starfi er æskileg 
» Enskukunnátta er skilyrði, önnur tungumálakunnátta er æskileg
» Sjálfstæði og nákvæmni í vinnubrögðum 
» Lipurð í mannlegum samskiptum


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Tekið er mið af jafnréttisstefnu Landspítala við ráðningar á spítalanum.

Um er að ræða 5 stöðugildi og eru störfin laus 1. apríl 2020 eða eftir nánara samkomulagi. Umsókn fylgi náms- og starfsferilskrá. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 50 - 100%
Umsóknarfrestur er til og með 24.02.2020


Nánari upplýsingar veitir
Vicente Sanchez-Brunete Ingelmo - [email protected] - 543 2219
Sigurbjörg Bragadóttir - [email protected] - 543 2219



Landspítali
Bráðalækningar
Fossvogi
108 Reykjavík


Smellið hér til að sækja um starf

Starfssvið: Sérfræðingar á heilbrigðissviði

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira