Hoppa yfir valmynd
LöggæslustörfHöfn Hornafirði202002/265Lögreglustjórinn á Suðurlandi

Lögreglufulltrúi, þjálfun – búnaður – rafræn sönnunargögn

Lögreglufulltrúi, þjálfun – búnaður – rafræn sönnunargögn – Lögreglan á Suðurlandi 


Við embætti lögreglustjórans á Suðurlandi er laus til umsóknar ný staða lögreglufulltrúa, sem annast skipulag, framkvæmd og eftirlit með þjálfun og æfingum lögreglumanna. Lögreglufulltrúinn hefur einnig umsjón með búnaðarkaupum, viðhaldi og endurnýjun búnaðar lögreglumanna sem og tæknilega umsjón með myndavélabúnaði og vörslu rafrænna sönnunarganga embættisins.


Lögreglufulltrúinn heyrir undir yfirlögregluþjón almennrar deildar og hefur starfsstöð á Hvolsvelli.
Starfshlutfall er 100%


Þekking og hæfni: (menntun, reynsla, sérhæfing)
Umsækjendur skulu hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k 120 stöðluðum námseiningum, þ.m.t. starfsnámi á vegum lögreglunnar og hafa starfað sem almennur lögreglumaður í a.m.k. 2 ár að því loknu. 
Umsækjendur skulu vera skipulagðir í störfum sínum, góðir í mannlegum samskiptum og hafa gott frumkvæði.  Hafa góða tölvukunnáttu og þekkingu á rekstri tölvu- og netkerfa, góða almenna þekkingu á Word og Excel  sem og á landskerfum lögreglu (LÖKE).   Einnig er áskilin góð þekking á útgefnum verklagsreglum og leiðbeiningum sem og að umsækjendur hafa hlotið þjálfun sem þjálfari lögreglu.   Þá skal viðkomandi  hafa staðgóða þekkingu á, eða réttindi til umhirðu og viðhalds skotvopna, þ.m.t. skotvopna lögreglu.


Sérstök verkefni:


Stjórn einstakra verkþátta vegna leitar- og björgunaraðgerða almennt og á grundvelli skipulags almannavarna, skv. nánari ákvörðun yfirlögregluþjóns. 
Aðstoð við verkefni lögreglu í vettvangs-/aðgerðastjórn, skv. nánari ákvörðun yfirlögregluþjóns.


Til að staðreyna hvort umsækjandi uppfylli skilyrði e-liðar 2. mgr.lögreglulaga nr. 90/1996 er lögreglustjóra heimilt að afla upplýsinga úr sakaskrá og málaskrám lögreglu.
Lögreglustjóri skipar í stöðuna frá og með 15. mars 2020.

Umsóknarfrestur er til og með 24. febrúar nk. og skal umsóknum skilað til lögreglustjórans á Suðurlandi, Hlíðarvegi 16, 860 Hvolsvöllur á netfangið [email protected]


Ráðningarkjör eru skv. kjarasamningi fjármálaráðherra f.h. ríkissjóðs og Landssambands lögreglumanna. 


Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til þess að sækja um.


Nánari upplýsingar veitir Sveinn Kristján Rúnarsson yfirlögregluþjónn í síma 444 2000 eða á netfangið [email protected]


Umsóknir sem berast eftir að umsóknarfresti lýkur verða ekki teknar til greina.

Öllum umsóknum verður svarað þegar ákvörðun um skipun liggur fyrir. Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum eyðublöð.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira