Hoppa yfir valmynd
TæknistörfHöfuðborgarsvæðið/Norðurland202002/270Þjóðskrá Íslands

Vefstjóri

Vefstjóri

Framfarir í stafrænni tækni eru lykillinn að betri þjónustu og þar ætlar Þjóðskrá Íslands að vera í fararbroddi. Við leitum að árangursdrifnum og lausnamiðuðum einstaklingi til að taka þátt í stafrænni vegferð stofnunarinnar. Í teymisvinnu er unnið að nýjum lausnum í stafrænni þjónustu þar sem vefurinn leikur aðalhlutverkið. Við viljum metnað og frumkvæði til að styðja við þá sýn að Þjóðskrá Íslands sé ávallt framúrskarandi þegar kemur að vefmálum hjá hinu opinbera

Þjóðskrá Íslands hefur tvær starfsstöðvar, á Akureyri og í Reykjavík. Starfið getur verið staðsett á báðum stöðum.

Starfssvið:
Ábyrgð og umsjón með vef ÞÍ, þar með talið þróun og viðhald
Þátttaka í innleiðingu stafrænna lausna í samvinnu við önnur svið
Umsjón með notkun Þjóðskrár Íslands á samfélagsmiðlum
Greining á þörfum viðskiptavina
Umsjón með mælikvörðum vefmála
Þátttaka í útgáfu- og kynningarmálum

Hæfniskröfur:
Háskólamenntun á sviði tölvunarfræði eða sambærileg menntun er skilyrði
Háskólamenntun sem nýtist í starfi
Frumkvæði, skipulagshæfni og sjálfstæði í vinnubrögðum ásamt góðri samskiptahæfni
Góð færni í framsetningu á efni fyrir vef og skipulagningu vefumhverfis
Brennandi áhugi á vefmálum og á notendavænni þjónustu
Reynsla af vefstjórn og innleiðingu vefumsjónarkerfa og vefmælinga
Reynsla og skilningur á notkun samfélagsmiðla
Reynsla af verkefnum sem tengjast innleiðingu stafrænna lausna
Reynsla af myndvinnslu er kostur
Mjög góð íslensku- og enskukunnátta, sérstaklega á rituðu máli
 


Um er að ræða fullt starf og laun samkvæmt gildandi kjarasamningi. 
Umsóknarfrestur er til og með 19. febrúar 2020. Umsókn skal fylgja starfsferilskrá og kynningarbréf. Umsóknir óskast sendar á netfangið [email protected]. Athygli er vakin á því, að umsóknir geta gilt í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin. Nánari upplýsingar veitir Guðni Rúnar Gíslason deildarsstjóri upplýsinga- og samskiptadeildar á [email protected].

Hlutverk Þjóðskrár Íslands er að greiða götu fólks og fyrirtækja í samfélaginu og gæta upplýsinga um réttindi þeirra og eignir. Við sinnum því með því að safna, varðveita og miðla upplýsingum um fólk, mannvirki og landeignir. Innan starfsviðs Þjóðskrár Íslands er rekstur fasteignaskrár og þjóðskrár, útgefið fasteignamat og brunabótamat og umsjón með útgáfu vegabréfa.
Við leggjum ríka áherslu á jákvæð samskipti og góða samvinnu sem er undirstaða góðrar þjónustu. Við teljum eftirsóknarvert að fá til liðs við okkur þá sem vilja starfa í anda gilda okkar um virðingu, sköpunargleði og áreiðanleika. 
Við kunnum vel að meta frumkvæði, nákvæmni og hraða í vinnubrögðum og nýtum aðferðir straumlínustjórnunar til að gera betur í dag en í gær.


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira