Hoppa yfir valmynd
HeilbrigðisþjónustaHöfuðborgarsvæðið202002/278Landspítali

Hjúkrunarfræðingur

Hjúkrunarfræðingur - Spennandi starf í góðu starfsumhverfi


Ertu góður liðsmaður og langar þig að starfa í starfsumhverfi þar sem ríkir góður starfsandi og áhersla er á samvinnu, virðingu og jákvætt og hvetjandi starfsumhverfi?

Við erum að leita eftir fleiri hjúkrunarfræðingum í okkar góða lið. Sækjumst eftir reynsluboltum sem og nýútskrifuðum, því við teljum gott að hafa breidd í þekkingu og reynslu.

Lungnadeild er bráðalegudeild með hágæslurýmum og eina sérhæfða lungnadeildin á landinu. Þjálfun og fræðsla er í fyrirrúmi á deildinni og mörg námstækifæri. Á deildinni starfa um 70 manns í þverfaglegu teymi. Við leggjum okkur fram við að þjónustan við skjólstæðinga okkar sé til fyrirmyndar, öryggi þeirra sé tryggt og að þeim sé sýnd hlýja og umhyggja.

Við tökum vel á móti nýju fólki og lofum góðri aðlögun. Velkomið að kíkja í heimsókn, áhugasamir hafi samband við Guðrúnu Árnýju, deildarstjóra.


Helstu verkefni og ábyrgð
» Að veita einstaklingshæfða hjúkrun, ráðgjöf og stuðning til einstaklinga og aðstandenda þeirra sem leita til lungnadeildar til greiningar, rannsókna og/ eða meðferðar vegna einkenna frá öndunarfærum


Hæfnikröfur
» Jákvætt viðhorf, frumkvæði og samskiptahæfni
» Sjálfstæði í vinnubrögðum og faglegur metnaður
» Hæfni og geta til að vinna í teymi
» Reynsla er kostur
» Íslenskt hjúkrunarleyfi


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Starfshlutfall og vinnufyrirkomulag er samkomulagsatriði og eru störfin laus nú þegar eða eftir samkomulagi.
Unnið er í vaktavinnu og er boðið er upp á breytt vaktafyrirkomulag, morgunvaktir kl. 7-15/ 8-16, kvöldvaktir kl. 14.45-22:45/ 15:30-22:30 og næturvaktir kl. 23-07:15/ 23-08.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 50 - 100%
Umsóknarfrestur er til og með 24.02.2020


Nánari upplýsingar veitir
Guðrún Árný Guðmundsdóttir - [email protected] - 824 6019



Landspítali
Lungnadeild
Fossvogi
108 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira