Hoppa yfir valmynd
HeilbrigðisþjónustaHöfuðborgarsvæðið202002/281Heilsugæsla höfuðborgarsvæðisins

Yfirlæknir Göngudeild sóttvarna

Yfirlæknir Göngudeild sóttvarna


Heilsugæsla höfuðborgarsvæðisins auglýsir laust til umsóknar starf yfirlæknis Göngudeildar sóttvarna. Um er að ræða ábyrgðarmikið og krefjandi starf sem reynir á frumkvæði, skipulagshæfni og samskiptahæfileika. Starfshlutfall er 100% eða eftir samkomulagi. Ráðið verður í starfið 1. apríl nk. 

Starfsemi Göngudeildar sóttvarna felst í sóttvarnastarfi í samræmi við Sóttvarnalög 19/1997 og reglugerðir. Göngudeild sóttvarna sinnir berklaeftirliti og berklameðferð á landsvísu sem felur í sér ábyrgð á og samræmingu greiningar, skráningar og meðferð berklatilfella. Göngudeildin sinnir einnig forskoðun innflytjenda og hælisleitenda, ásamt ferðamannaheilsuvernd. Göngudeild sóttvarna tekur þátt í alþjóðasamvinnu m.a. við Alþjóðaheilbrigðismálastofnunina (WHO) og Evrópsku sóttvarnastofnunina (ECDC) í samvinnu við sóttvarnalækni. 


Helstu verkefni og ábyrgð
Yfirlæknir er heilbrigðisstéttum til ráðgjafar á landsvísu varðandi greiningu og meðferð berklaveiki. Hann vinnur með starfsfólki heilsugæslustöðva og sjúkrahúsa við skipulagningu og framkvæmd nándarleitar, þegar smitandi berklatilfelli greinast og einnig við framkvæmd varnandi meðferðar hjá nýsmituðum. Jafnframt hefur hann það hlutverk að styðja sóttvarnastarf og gera faraldsfræðirannsóknir. 

Yfirlæknir ber ábyrgð á forskoðun innflytjenda í samræmi við Sóttvarnalög 19/1997 og reglugerðir. 

Yfirlæknir veitir ráðgjöf um ferðamannaheilsuvernd og bólusetningar.

Yfirlæknir Göngudeildar sóttvarna sér um skipulag, verkstjórn og samhæfingu verkefna innan deildar í samræmi við stefnu og markmið Heilsugæslu höfuðborgarsvæðisins. Hann tekur þátt í gerð, innleiðingu og notkun klínískra leiðbeininga og er þátttakandi í vísinda- þróunar og gæðastarfi. Hann er yfirmaður Göngudeildar sóttvarna og sinnir klínísku starfi samhliða. 


Hæfnikröfur
- Íslenskt sérfræðileyfi, sem nýtist í starfi 
- Skipulagshæfni, sjálfstæði í starfi og öguð vinnubrögð
- Góð hæfni í mannlegum samskiptum 
- Áreiðanleiki, jákvæðni og sveigjanleiki
- Leiðtogahæfni og metnaður til að ná árangri í starfi
- Gott vald á íslensku og ensku
- Góð almenn tölvukunnátta


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Stéttarfélag er Læknafélag Íslands.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Einnig skal leggja fram leyfisbréf og staðfestar upplýsingar um menntun. Jafnframt skal fylla út eyðublaðið "Umsókn um læknisstöðu"€œ og setja það í viðhengi rafrænnar umsóknar. Umsóknareyðublaðið má nálgast á vef Embættis landlæknis (sjá hér: http://www.landlaeknir.is/utgefid-efni/skjal/item16341/). Allar umsóknir verða sendar til stöðunefndar hjá Landlæknisembættinu. 

Mat á hæfni umsækjenda byggist á innsendum göngum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. 

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.


Starfshlutfall er 100%
Umsóknarfrestur er til og með 27.02.2020


Nánari upplýsingar veitir
Kai Blöndal - [email protected] - 513-5130
Sigríður Dóra Magnúsdóttir - [email protected] - 513-5000



Göngudeild sóttvarna
Þönglabakka 6
109 Reykjavík



Smelltu hér til að sækja um starf

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira