Hoppa yfir valmynd
HeilbrigðisþjónustaHöfuðborgarsvæðið202002/294Landspítali

Sérfræðilæknir/ afleysingastaða á svefndeild

Sérfræðilæknir/ afleysingastaða á svefndeild Landspítala

Laust er til umsóknar starf sérfræðilæknis við svefndeild Landspítala. Um er að ræða tímabundna afleysingarstöðu til eins árs. Starfshlutfall er 100% og er upphaf starfs 1. apríl 2020 eða samkvæmt nánara samkomulagi. 

Á svefndeildinni er mjög virk rannsóknarstarfsemi sem og öflugt alþjóðlegt samstarf. Meginviðfangsefni deildarinnar er greining og meðferð sjúklinga með svefntengda sjúkdóma. Svefndeildin sinnir mælingum vegna gruns um svefntengda sjúkdóma. Næturmælingar eru gerðar vegna gruns um kæfisvefn og aðra svefnsjúkdóma. Mælingar eru gerðar ýmist á legudeild A6 eða einstaklingar koma á göngudeild (A3) og fá með sér búnað sem sofið er með heima. Meðferð kæfisvefns með svefnöndunartækjum er einungis veitt frá svefndeild Landspítala. Eftirfylgd fyrstu mánuði er fylgt eftir með fjarþjónustu.

Helstu verkefni og ábyrgð
» Ráðgjöf og meðferð sjúkdóma sem tengjast svefni
» Klínískt eftirlit með greiningu og meðferð
» Innstilling svefnöndunartækja
» Þjónusta göngudeildarsjúklinga með flókna sjúkdómsmynd
» Þátttaka í kennslu læknanema, kandídata og deildarlækna
» Þátttaka í rannsóknarstarfi

Hæfnikröfur
» Sérfræðileyfi í sérgrein sem tengist viðfangsefnum svefnrannsókna
» Þekking og reynsla af klínísku starfi 
» Þekking og áhugi á svefnháðum öndunarfærasjúkdómum
» Góðir samskiptahæfileikar

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu Landspítala við ráðningar á spítalanum.

Upplýsingar um fyrri störf, menntun, hæfni, félagsstörf og umsagnaraðila skal skrá inn í umsóknarformið. Einnig skal fylgja umsókninni vottað afrit af námsgögnum og starfsleyfum, tilgreind reynsla af kennslu, vísindavinnu og stjórnunarstörfum ásamt yfirliti yfir birtar vísindagreinar (eða í ritrýni) sem umsækjandi er fyrsti höfundur að.

Mat stöðunefndar læknaráðs Landspítala byggist á innsendum umsóknargögnum. Ákvörðun um ráðningu byggist á viðtölum við umsækjendur og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Ath. fylla skal einnig út umsókn um læknisstöðu hér hjá Embætti landlæknis

Starfshlutfall er 100%
Umsóknarfrestur er til og með 24.02.2020

Nánari upplýsingar veitir
Þórarinn Gíslason - [email protected] - 824 5727
Anna Dagný Smith - [email protected] - 825 3675


Landspítali
Svefnrannsóknir
Fossvogi
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira