Hoppa yfir valmynd
LöggæslustörfSuðurnes202002/330Lögreglustjórinn á Suðurnesjum

Rannsóknarlögreglumenn - Reykjanesbær

Rannsóknarlögreglumenn Lögreglustjórinn á Suðurnesjum Reykjanesbær

Við embætti lögreglustjórans á Suðurnesjum er lausar til umsóknar stöður rannsóknarlögreglumanna í rannsóknardeild með starfsstöð í Reykjanesbæ. Gert er ráð fyrir að lögreglustjóri setji í stöðurnar til reynslu í eitt ár með skipun í huga að þeim tíma loknum. Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur jafnt sem karlar hvattar til að sækja um.

Lögreglustjóraembættið á Suðurnesjum er annað stærsta lögregluembætti landsins og er starfssvæðið allt Reykjanesið. Verkefni embættisins eru afar fjölbreytt og krefjandi en í umdæminu er m.a. stærsti alþjóðaflugvöllur landsins. Það reynir því á margs konar hæfni og menn öðlast reynslu sem erfitt er að fá annars staðar innan lögreglunnar. Hjá embættinu er nýlokið stefnumótunarvinnu til næstu 5 ára og meðal markmiða embættisins er að þetta verði eftirsóknarverðasta lögregluembætti landsins. Gildi embættisins eru heiðarleiki, fagmennska og traust. 

Helstu verkefni og ábyrgð
- Rannsóknir á brotum gegn almennum hegningarlögum og sérrefsilögum, svo sem kynferðisbrota, líkamsárása, fíkniefnabrota, fjármunabrota og skipulagðri brotastarfsemi.
- Rannsóknir viðameiri og flóknari mála, þar á meðal tæknirannsóknir, sjá um verkstjórn hóps lögreglumanna við rannsóknir þegar við á og eiga samstarf við ákærendur og aðstoða eftir atvikum við undirbúning saksóknar.

Hæfnikröfur
Skilyrði
- Próf frá Lögregluskóla ríkisins eða diplómanám í lögreglufræðum sem jafngildir a.m.k 120 stöðluðum námseiningum þ.m.t starfsnámi á vegum lögreglunnar
- Starfað sem lögreglumaður í a.m.k. 2 ár frá því að tilskyldu námi lauk
- Góð þekking á lögreglukerfinu LÖKE
- Sá sem skipaður er til að gegna starfinu skal sækja námskeið fyrir rannsóknarlögreglumenn hafi viðkomandi ekki sótt slíkt námskeið áður.

Kostir
- Önnur menntun og reynsla sem nýtist í starfi rannsóknarlögreglumanns
- Stjórnunarreynsla innan og utan lögreglunnar.
- Reynsla af rannsóknum mála

Mikilvægir eiginleikar
- Færni í mannlegum samskiptum
- Góðir skipulagshæfileikar
- Frumkvæði og aðlögunarhæfni
- Sveigjanleiki og vandvirk vinnubrögð
- Jákvæðni og hæfni til að vinna undir álagi
- Stundvísi
- Hæfni til að vinna í teymi
- Félagsleg færni

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Eftirfarandi upplýsingum er beint til umsækjenda. Samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsóknir sem berast eftir að umsóknarfresti líkur verða ekki teknar til greina.
Öllum umsóknum verður svarað þegar ákvörðun um setningu eða skipun liggur fyrir.

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Sækja skal um stöðuna með rafrænum hætti á vef Starfatorgs, www.starfatorg.is
Umsækjendur eru vinsamlegast beðnir um að vanda umsóknir sínar. Kynningarbréf og ferilskrá fylgi umsókn.

Persónuverndaryfirlýsing til umsækjenda: https://www.logreglan.is/wp-content/uploads/2020/01/Persónuverndaryfirlýsing-til-umsækjenda.pdf

Starfshlutfall er 100%
Umsóknarfrestur er til og með 03.03.2020

Nánari upplýsingar veitir
Stefán Sveinsson – [email protected] - 4442200
Helgi Þorkell Kristjánsson - [email protected] - 4442200

 

Lögreglustjórinn á Suðurnesjum
Lögr. Rannsóknardeild
Brekkkustígur 39
260 Reykjanesbær


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira