Hoppa yfir valmynd
LöggæslustörfSuðurnes202002/329Lögreglustjórinn á Suðurnesjum

Varðstjóri í almennri deild - Reykjanesbær

Varðstjóri í almennri deild - Lögreglustjórinn á Suðurnesjum - Reykjanesbær

Við embætti lögreglustjórans á Suðurnesjum er laus til umsóknar ein staða varðstjóra í almennri deild. Gert er ráð fyrir að lögreglustjóri skipi í stöðuna til næstu fimm ára frá og með 1. maí 2020. Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur jafnt sem karlar hvattar til að sækja um.

Lögreglustjóraembættið á Suðurnesjum er annað stærsta lögregluembætti landsins og er starfssvæðið allt Reykjanesið. Verkefni embættisins eru afar fjölbreytt og krefjandi en í umdæminu er m.a. stærsti alþjóðaflugvöllur landsins. Það reynir því á margs konar hæfni og menn öðlast reynslu sem erfitt er að fá annars staðar innan lögreglunnar.

Hjá embættinu er nýlokið stefnumótunarvinnu til næstu 5 ára og meðal markmiða embættisins er að þetta verði eftirsóknarverðasta lögregluembætti landsins. Gildi embættisins eru heiðarleiki, fagmennska og traust. 

Helstu verkefni og ábyrgð
- Vaktstjórn samkvæmt varðskrá og stjórn einstakra verkefna eða hóps lögreglumanna við almenn löggæslustörf
- Verkþáttastjórn við virkjun neyðaráætlana almannavarna 
- Þátttaka í áætlanagerð, skipulagningu og markmiðssetningu embættisins
- Þátttaka stjórnenda í almennri deild með samræmingu starfshátta deildarinnar
- Löggæslustörf, þ.m.t. rannsóknir mála, þar sem það á við.*
- Eftirlit með því að reglum og fyrirmælum sé fylgt*
*Sjá 10. gr. reglugerðar um starfsstig innan lögreglunnar nr. 1051/2006.

Hæfnikröfur
Skilyrði:
- Próf frá Lögregluskóla ríkisins eða diplómanám í lögreglufræðum sem jafngildir a.m.k 120 stöðluðum námseiningum þ.m.t starfsnámi á vegum lögreglunnar
- Starfað sem lögreglumaður í a.m.k. 2 ár frá því að tilskyldu námi lauk
- Hafa lokið vettvangsstjóranámi og þekkja útgefnar verklagsreglur og leiðbeiningar
- Góð þekking á lögreglukerfinu LÖKE

Kostir:
- Lokið stjórnunarnámi frá Lögregluskóla ríkisins, Endurmenntun HÍ eða öðru stjórnunarnámi
- Önnur menntun og reynsla sem nýtist í starfi varðstjóra
- Þekking og stjórnunarreynsla innan lögreglunnar
- Þekking og stjórnunarreynsla utan lögreglunnar 

Mikilvægir eiginleikar:
- Færni í mannlegum samskiptum
- Góðir skipulagshæfileikar
- Frumkvæði og aðlögunarhæfni
- Nákvæm og traust vinnubrögð
- Jákvæðni
- Stundvísi
- Leiðtogahæfni
- Vilji til að þjóna
- Félagsleg færni

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Eftirfarandi upplýsingum er beint til umsækjenda. Samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsóknir sem berast eftir að umsóknarfresti líkur verða ekki teknar til greina.
Öllum umsóknum verður svarað þegar ákvörðun um setningu eða skipun liggur fyrir.

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Sækja skal um stöðuna með rafrænum hætti á vef Starfatorgs, www.starfatorg.is
Umsækjendur eru vinsamlegast beðnir um að vanda umsóknir sínar. Kynningarbréf og ferilskrá fylgi umsókn.

Persónuverndaryfirlýsing til umsækjenda:   https://www.logreglan.is/wp-content/uploads/2020/01/Persónuverndaryfirlýsing-til-umsækjenda.pdf

Starfshlutfall er 100%
Umsóknarfrestur er til og með 03.03.2020

Nánari upplýsingar veitir
Ásmundur Rúnar Gylfason – [email protected] - 4442200
Helgi Þorkell Kristjánsson - [email protected] – 4442200


Lögreglustjórinn á Suðurnesjum
Lögr. Almenn deild
Hringbraut 130
230 Keflavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira