Hoppa yfir valmynd
StjórnunarstörfHöfuðborgarsvæðið202002/348Landspítali

Deildarstjóri í Blóðbankanum

Deildarstjóri í Blóðbankanum

Blóðbankinn leitar að framsæknum og kraftmiklum stjórnanda með framúrskarandi samskipta- og leiðtogahæfni og sem hefur góða þekkingu á vinnuferlum í blóðbanka. Æskilegt er að viðkomandi hafi þekkingu og reynslu á sviði gæðamála. Starfið er ábyrgðarmikið og krefjandi og reynir á frumkvæði, stefnumótandi hugsun og samskiptahæfni. Næsti yfirmaður deildarstjórans er yfirlæknir Blóðbankans.

Í Blóðbankanum starfar samhentur hópur 60 starfsmanna við fjölbreytta þjónustu fjölmargra starfsstétta á sviði blóðbankaþjónustu við blóðrannsóknir, söfnun blóðs og blóðhluta, framleiðslu blóðhluta, birgðahald, afgreiðslu blóðhluta, vefjaflokkanir, ýmsar arfgreiningar auk söfnunar, vinnslu og geymslu blóðmyndandi stofnfrumna. Blóðbankinn sinnir blóðbankaþjónustu á landsvísu í takt við ákvæði laga og reglugerða þar að lútandi. Á starfseiningum Blóðbankans er umfangsmikil þjónusta veitt allan sólarhringinn. 
Blóðbankinn er með gæðakerfi á grunni ISO9001:2015, ISO vottun allra starfsemisþátta, auk faggildingar á sviði vefjaflokkunar (EFI accreditation) og stofnfrumusöfnunar og -vinnslu (JACIE accreditation) og leggur megináherslu á áframhaldandi styrkingu gæðakerfis.
Í gæðaráði Blóðbankans sitja allir aðilar sem bera faglega ábyrgð starfseminnar í umboði yfirlæknis, sem er ábyrgðaraðili starfseminnar. Deildarstjórinn situr fundi gæðaráðs.

Starfshlutfall er 100%, sem unnið er í dagvinnu. Starfið veitist frá 1. mars 2020 eða eftir nánara samkomulagi. Ráðið er í starfið til 5 ára, sbr. 9.gr. laga um heilbrigðisþjónustu nr. 40/2007 og stefnu Landspítala í ráðningum stjórnenda.

Helstu verkefni og ábyrgð
Ábyrgð á mannauðsmálum, mönnun og skipulagi á starfsemi Blóðbankans og rekstrarþáttum í einingum Blóðbankans. Viðkomandi mun hafa starfsskyldur á sviði starfsmannaábyrgðar og fjárhagslegrar ábyrgðar.

Hæfnikröfur
» Íslenskt starfsleyfi í heilbrigðisþjónustu sem nýtist í starfi
» Viðbótarmenntun á háskólastigi sem nýtist í starfi
» A.m.k. 5 ára starfsreynsla í blóðbanka
» Reynsla af þátttöku í vísindastarfi er æskileg
» Framúrskarandi samskiptahæfni
» Framsækinn og dugmikill leiðtogi með skýra sýn á framþróun deildarinnar
» Yfirsýn og skipulagsfærni
» Þekking og reynsla á sviði gæðamála er æskileg

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu Landspítala við ráðningar á spítalann.

Umsókn fylgi náms- og starfsferilskrá ásamt afriti af prófskírteinum og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið.
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 25.02.2020

Nánari upplýsingar veitir
Sveinn Guðmundsson - [email protected] - 824 5465
Maríanna Garðarsdóttir - [email protected] - 825 3865


Landspítali
Blóðbankinn, sameiginlegt
Snorrabraut 60
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira