Hoppa yfir valmynd
SérfræðistörfHöfuðborgarsvæðið202002/334Landspítali

Félagsráðgjafi - Laugarás, meðferðargeðdeild

Félagsráðgjafi á Laugarási, meðferðargeðdeild

Við leitum að öflugum liðsmanni í fullt starf á Laugarásinn meðferðargeðdeild. Starfið er laust frá 1. apríl 2020 eða eftir samkomulagi. Félagsráðgjöfum á Landspítala bjóðast fjölmörg tækifæri til sérhæfingar og starfsþróunar.

Laugarásinn er meðferðargeðdeild sem heyrir undir geðþjónustu Landspítala. Þar er boðið upp á sérhæfða meðferð fyrir ungt fólk, á aldrinum 18-30 ára, með byrjandi geðrofssjúkdóm. Unnið er eftir gagnreyndu meðferðarmódeli um snemmtæka íhlutun með það að markmiði endurhæfa þjónustuþega aftur út í samfélagið. Mikið er lagt upp úr því að virkja þjónustuþega á allan mögulegan hátt á deildinni, úti í samfélaginu og í samstarfi við iðjuþjálfun á Kleppi.

Starfsemi Laugarássins er í stöðugri þróun og er áhersla lögð á einstaklingsmiðaða þjónustu og virkt samstarf við aðstandendur. Á deildinni starfa um 40 manns og einkennist samstarfið af þverfaglegri nálgun, greiningarvinnu og góðum starfsanda. Lögð er sérstök áhersla á starfsþróun. Boðið er upp á námskeið og handleiðslu í áhugahvetjandi samtalstækni, vikulega fræðslu, handleiðslu málastjóra sem og fræðslu og handleiðslu í grunnatriðum hugrænnar atferlismeðferðar.

Helstu verkefni og ábyrgð
» Málastjórn (case management) þar sem viðkomandi hefur yfirsýn yfir alla þætti meðferðar viðkomandi
» Fjölskyldu- og aðstandendavinna
» Starfsendurhæfing og vinna að gerð endurhæfingaráætlana
» Samþætting félagslegra úrræða og samstarf við viðeigandi stofnanir
» Stuðla að þekkingarþróun í félagsráðgjöf og nýta niðurstöður gagnreyndra rannsókna
» Fræðsla fyrir þjónustuþega og aðstandendur

Hæfnikröfur
» Félagsráðgjafamenntun og starfsréttindi í félagsráðgjöf
» Þekking og reynsla af málaflokknum sem og áhugi á að vinna með ungu fólki með geðsjúkdóma
» Hæfni til teymisvinnu sem og þekking og reynsla af málastjórnun
» Skipulagshæfileikar og framúrskarandi samskiptahæfni eru skilyrði 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félagsráðgjafafélag Íslands hafa gert.
Tekið er mið af jafnréttisstefnu Landspítala við ráðningar á spítalanum og eru bæði karlar og konur hvött til að sækja um starfið.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 24.02.2020

Nánari upplýsingar veitir
Guðlaug María Júlíusdóttir - [email protected] - 543 1000
Helga Kristín Magnúsdóttir - [email protected] - 543 4260


Landspítali
Félagsráðgjöf
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira