Hoppa yfir valmynd
HeilbrigðisþjónustaHöfuðborgarsvæðið202002/335Landspítali

Hjúkrunarfræðingur - dagdeild geðendurhæfingar

Hjúkrunarfræðingur á dagdeild geðendurhæfingar

Við leitum að öflugum og sjálfstæðum hjúkrunarfræðingi í starf málastjóra í dagdeildarteymi geðendurhæfingar á Kleppi. Í boði er spennandi starf í þverfaglegu teymi með mikla möguleika á þróun í starfi. Starfshlutfall er 80-100% og eingöngu dagvinna. Æskilegt að umsækjandi geti hafið starf sem fyrst eða eftir samkomulagi. 

Um er að ræða þverfaglegt dagdeildarteymi sem er meðferðarúrræði í þróun geðendurhæfingar á Kleppi. Dagdeildarteymið sinnir einstaklingum með ýmsan geðvanda s.s. kvíða og lyndisraskanir. Þjónustan sem veitt er í teyminu er sérhæfð gagnreynd dagdeildarmeðferð og tekur mið af þörfum hvers og eins. Teymið vinnur í samstarfi við legudeild geðendurhæfingar.

Dagdeild geðendurhæfingar er nýlega stofnuð og er í stöðugri framþróun. Viðkomandi gefst tækifæri til að taka þátt í framtíðarþróun og uppbyggingu þjónustunnar. Sérstök áhersla er lögð á einstaklings- og batamiðaða þjónustu sem og virkt samstarf við aðstandendur. Næsti yfirmaður er hjúkrunardeildarstjóri geðendurhæfingar geðþjónustu.
Ef þú hefur áhuga á að leiða og taka þátt í að byggja um teymi sem sinnir geðendurhæfingu þá er þetta spennandi tækifæri.

Helstu verkefni og ábyrgð
» Málastjórn fyrir þjónustuþega þ.e. yfirumsjón meðferðar í samstarfi við þverfaglegt teymi dagdeildar
» Virk þátttaka í þverfaglegu teymisstarfi
» Virk þátttaka í framþróun og uppbyggingu þjónustunnar
» Ýmis önnur verkefni s.s. vaktstjórn og fræðslu fyrir þjónustuþega og starfsfólk. 

Hæfnikröfur
» Framúrskarandi samskiptahæfileikar og sveigjanleiki
» Faglegur metnaður og ábyrgð í starfi sem og einlægur áhugi á geðhjúkrun
» Reynsla af þverfaglegri teymisvinnu
» Skipulagshæfni og færni til að hafa góða yfirsýn yfir málefni og meðferð þjónustuþega
» Jákvætt viðhorf
» Stundvísi og áreiðanleiki
» Íslenskt hjúkrunarleyfi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 24.02.2020

Nánari upplýsingar veitir
Díana Liz Franksdóttir - [email protected] - 824 5779
Rakel Dögg Sigurðardóttir - [email protected] - 543 4213


Landspítali
Geðendurhæfingardeild
v/Kleppsgarð 3
104 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira