Hoppa yfir valmynd
HeilbrigðisþjónustaHöfuðborgarsvæðið202002/336Landspítali

Hjúkrunarfræðingur - kviðarhols- og þvagfæraskurðdeild

Hjúkrunarfræðingur - Áhugavert starf á kviðarhols- og þvagfæraskurðdeild

Áhugavert starf - góður starfsandi - gott samstarfsfólk - tækifæri til að þróa með sér mikla faglega þekkingu og hæfni í sjálfstæðum vinnubrögðum - Höfðar þetta til þín?

Auglýst er eftir hjúkrunarfræðingi til starfa á kviðarhols- og þvagfæraskurðdeild 13EG. Starfshlutfall er samkomulagsatriði. Æskilegt að umsækjandi geti hafið störf sem fyrst eða eftir nánara samkomulagi.

Deildin þjónar einstaklingum sem glíma við sjúkdóma í efri og neðri hluta meltingarvegar og í þvagfærum. Bjóðum einstaklingsaðlagaða þjálfun, eftir þörfum hvers og eins með áherslu á fagmennsku og starfsþróun. Velkomið að kíkja í heimsókn, áhugasamir hafið samband við Níní Jónasdóttur, deildarstjóra.

Helstu verkefni og ábyrgð
» Ákveða, skipuleggja og veita hjúkrunarmeðferð 
» Skipuleggja og veita fræðslu til sjúklinga og aðstandenda
» Virkur þátttakandi í þróun og uppbyggingu deildarinnar
» Þátttaka í þverfaglegri teymisvinnu

Hæfnikröfur
» Faglegur metnaður og frumkvæði
» Jákvætt viðhorf og góðir samskiptahæfileikar
» Áhugi á að starfa í krefjandi og skemmtilegu umhverfi
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum. Um er að ræða 3 stöðugildi.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 100%
Umsóknarfrestur er til og með 24.02.2020

Nánari upplýsingar veitir
Níní Jónasdóttir - [email protected] - 620 1549


Landspítali
Kviðarhols- og þvagfæraskurðdeild
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira