Hoppa yfir valmynd
HeilbrigðisþjónustaNorðurland202002/338Sjúkrahúsið á Akureyri

Sérfræðingur í barnalækningum

Sérfræðingur í barnalækningum

Laus er til umsóknar staða sérfræðings í barnalækningum við Sjúkrahúsið á Akureyri. 
Starfshlutfall og upphaf starfs er samkomulagsatriði en æskilegt er að viðkomandi geti hafið störf sem fyrst. 
Næsti yfirmaður er Andrea Andrésdóttir, forstöðulæknir barnalækninga.

Helstu verkefni og ábyrgð
Barnadeild Sjúkrahússins á Akureyri er eina barnadeildin á landsbyggðinni. Hún þjónar aðallega íbúum Norður- og Austurlands, frá fæðingu til 18 ára aldurs. Á deildinni er legudeild með lítilli nýburaeiningu auk dagdeildar og fjölbreyttrar göngudeildarstarfsemi. Deildin sinnir öllum almennum lyflækningum barna og léttari vandamálum nýbura, en auk þess dvelja börn með sjúkdóma á sviði almennra skurðlækninga, bæklunarlækninga, HNE lækninga og kvensjúkdómalækninga á deildinni.
Barna- og unglingageðteymi sjúkrahússins heyrir undir barnalækningar.
Starfinu fylgir vaktskylda, þátttaka í kennslu heilbrigðisstétta, þjálfun aðstoðar- og deildarlækna auk tækifæra til rannsóknarvinnu. Starfið felur í sér þjónustu við sjúklinga á barnadeild, göngudeild, bráðamóttöku og fæðingadeild.

Hæfnikröfur
Umsækjandi skal hafa fullgild réttindi í barnalækningum. Við leitum að barnalækni með víðtæka reynslu í almennum barnalækningum og grunnþekkingu í nýburalækningum. Við ráðningu verður lögð áhersla á faglega þekkingu og sjálfstæð vinnubrögð auk hæfileika á sviði samskipta og samvinnu.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsóknum skal skilað rafrænt á vef sjúkrahússins www.sak.is
Umsóknum skulu fylgja ítarlegar upplýsingar um nám, fyrri störf, reynslu af stjórnunarstörfum ásamt upplýsingum um fræðilegar rannsóknir og ritstörf, auk kennslustarfa eftir því sem við á.
Viðtöl verða höfð við umsækjendur og byggist ákvörðun um ráðningu á þeim ásamt innsendum gögnum.
Öllum umsóknum verður svarað þegar ákvörðun um ráðningu hefur verið tekin.
Við ráðningar í störf er tekið mið af jafnréttisstefnu sjúkrahússins. Sjúkrahúsið á Akureyri er reyklaus vinnustaður.
Gildi Sjúkrahússins á Akureyri eru: ÖRYGGI SAMVINNA FRAMSÆKNI
Sjúkrahúsið hefur hlotið alþjóðlega gæðavottun á starfsemi sinni

Starfshlutfall er 30 - 100%
Umsóknarfrestur er til og með 02.03.2020

Nánari upplýsingar veitir
Andrea Elísabet Andrésdóttir - [email protected] - 4630100
Alice Harpa Björgvinsdóttir - [email protected] - 4630100


Sjúkrahúsið á Akureyri
Barnalækningar
Eyrarlandsvegi
600 Akureyri


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira