Hoppa yfir valmynd
HeilbrigðisþjónustaHöfuðborgarsvæðið202002/346Landspítali

Sjúkraþjálfari

Sjúkraþjálfari - Hefur þú áhuga á öldrunarsjúkraþjálfun? 

Sjúkraþjálfun Landspítala vill ráða til starfa öfluga liðsmenn sem hafa áhuga á að starfa við endurhæfingu aldraðra á Landakoti og Vífilsstöðum. Við bjóðum velkomna jafnt reynslubolta sem nýútskrifaða sjúkraþjálfara í okkar góða hóp því við teljum mikilvægt að hafa breidd í þekkingu og reynslu. Um er að ræða annars vegar afleysingastarf til eins árs vegna fæðingarorlofs og hins vegar tvö ótímabundin störf. 

Sjúkraþjálfun á Landakoti sinnir fjölbreyttri og sérhæfðri endurhæfingu aldraðra. Lögð er áhersla á greiningarvinnu, fagþróun og þverfaglegt samstarf. Boðið verður upp á markvissa innleiðingu í starfið hjá sérfróðum sjúkraþjálfurum á sviði öldrunarsjúkraþjálfunar.

Sjúkraþjálfarar Landakots sinna þjálfun á legudeildum, dagdeild og eru starfandi í teymum á göngudeild öldrunarlækninga. Einnig hefur Landakot umsjón með sjúkraþjálfun á Vífilsstöðum, en þar dvelja sjúklingar sem eru í bið eftir hjúkrunarheimilum. 

Í boði eru fjölbreytt og lífleg störf og tækifæri til að öðlast víðtæka þekkingu innan fagsins og vera hluti af liðsheild. Auk þess eru góðir sí- og endurmenntunar möguleikar. 
Starfshlutfall er 80-100% eða eftir samkomulagi og eingöngu dagvinna. Æskilegt að umsækjendur geti hafið störf sem fyrst eða eftir nánara samkomulagi.

Helstu verkefni og ábyrgð
» Skoðun, mat og meðferð 
» Skráning og skýrslugerð
» Fræðsla til sjúklinga og aðstandenda
» Þátttaka í þverfaglegum teymum
» Þátttaka í fagþróun

Hæfnikröfur
» Íslenskt starfsleyfi sem sjúkraþjálfari
» Faglegur metnaður og ábyrgð í starfi
» Hæfni í mannlegum samskiptum og jákvætt viðmót
» Skipulagshæfni, frumkvæði og sjálfstæð vinnubrögð 
» Góð íslensku kunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Tekið er mið af jafnréttisstefnu Landspítala við ráðningar á spítalanum og eru karlar jafnt sem konur hvött til að sækja um. 

Umsókn fylgi náms- og starfsferilskrá ásamt afriti af prófskírteini og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 02.03.2020

Nánari upplýsingar veitir
Ragnheiður S Einarsdóttir - [email protected] - 543 9306
Jóhanna Soffía Mar Óskarsdóttir - [email protected] - 543 9839


Landspítali
Sjúkraþjálfun
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira