Hoppa yfir valmynd
StjórnunarstörfHöfuðborgarsvæðið202002/368Seðlabanki Íslands

Forstöðumaður vettvangsathugana

Forstöðumaður vettvangsathugana

Fjármálaeftirlit Seðlabanka Íslands óskar eftir að ráða öflugan einstakling í starf forstöðumanns vettvangsathugana. Vettvangsathuganir tilheyra sviði lagalegs eftirlits og vettvangsathugana og vinnur sviðið þvert á önnur eftirlitssvið Fjármálaeftirlitsins.

Í vettvangsathugunum starfar öflugur hópur sérfræðinga sem annast athuganir á þeim mörkuðum sem Fjármálaeftirlitið hefur eftirlit með. Upplýsinga og gagna er aflað með sjálfstæðri skoðun á starfsstöð eftirlitsskyldra aðila, en athuganirnar geta beinst að ýmsum þáttum í starfsemi þeirra. 

Leitað er að metnaðarfullum einstaklingi með mikla samskiptahæfileika og reynslu af stjórnun, ásamt yfirgripsmikilli þekkingu og reynslu á fjármálamarkaði. Um er að ræða 100% starfshlutfall með starfsstöð í Reykjavík.

Helstu verkefni og ábyrgð:
Ábyrgð á faglegri þróun og framkvæmd vettvangsathugana
Dagleg verkstjórn og mótun liðsheildar
Umsjón með framkvæmd verkáætlunar
Þátttaka í vettvangsathugunum 
Þátttaka í innra starfi Seðlabankans, stefnumótun og áætlanagerð

Menntunar- og hæfniskröfur:
Framhaldsmenntun á háskólastigi sem nýtist í starfi
Yfirgripsmikil þekking á fjármálamarkaði
Reynsla af daglegri verkstjórn og mannaforráðum æskileg
Reynsla af eftirlitsstörfum eða störfum innan stjórnsýslunnar æskileg
Lipurð í mannlegum samskiptum og mjög góð hæfni til að vinna með öðrum
Frumkvæði, jákvæðni, heiðarleiki og metnaður í starfi
Hæfni til að tjá sig í ræðu og riti á íslensku og ensku sem og í miðlun upplýsinga

Sótt er um starfið á heimasíðu Seðlabanka Íslands, www.sedlabanki.is/storf en umsóknarfrestur er til og með 27. febrúar nk. Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans. Laun greiðast samkvæmt kjarasamningi Samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin.

Nánari upplýsingar um starfið veitir Björk Sigurgísladóttir, framkvæmdastjóri lagalegs eftirlits og vettvangsathugana ([email protected]) og Árni Ragnar Stefánsson, aðstoðarframkvæmdastjóri mannauðs ([email protected]).

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira