Hoppa yfir valmynd
HeilbrigðisþjónustaHöfuðborgarsvæðið202002/371Landspítali

Sjúkraþjálfari/ tímabundið starf

Sjúkraþjálfari/ tímabundið starf - Nýtt fyrirkomulag

Sjúkraþjálfun Landspítala vill ráða til starfa 2 öfluga liðsmenn sem vilja kynna sér þann fjölbreytileika sem í boði er hjá okkur. Um er að ræða nýtt fyrirkomulag þar sem unnið er í 3 mánuði á hverri starfsstöð fyrir sig. Störfin eru tímabundin til eins árs. Unnið er í dagvinnu eingöngu og er upphaf starfs og starfshlutfall samkomulag.

Störf þessi ná yfir starfsemi Sjúkraþjálfunar Landspítala á eftirfarandi starfsstöðvum: 
Í Fossvogi og við Hringbraut sem sinnir bráðadeildum og göngudeildum með gæsluvöktum á kvöldin og um helgar. Á Grensási þar fer fram fjölbreytt og sérhæfð endurhæfing sjúklinga m.a. með skaða í miðtaugakerfi, fjöláverka, aflimanir auk almennrar endurhæfingar. Á Landakoti þar sem fer fram mat, meðferð og endurhæfing aldraðra.

Við bjóðum velkomna jafnt reynslubolta sem nýútskrifaða sjúkraþjálfara í okkar góða hóp. Í boði eru fjölbreytt og lífleg störf og tækifæri til að öðlast víðtæka þekkingu innan fagsins og vera hluti af liðsheild. 

Helstu verkefni og ábyrgð
» Skoðun, mat og meðferð 
» Skráning og skýrslugerð
» Fræðsla til sjúklinga og aðstandenda
» Þátttaka í þverfaglegum teymum
» Þátttaka í fagþróun

Hæfnikröfur
» Íslenskt starfsleyfi sem sjúkraþjálfari
» Faglegur metnaður og ábyrgð í starfi
» Hæfni í mannlegum samskiptum og jákvætt viðmót
» Skipulagshæfni, frumkvæði og sjálfstæð vinnubrögð 
» Góð íslensku kunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Tekið er mið af jafnréttisstefnu Landspítala við ráðningar á spítalanum og eru karlar jafnt sem konur hvött til að sækja um. 

Umsókn fylgi náms- og starfsferilskrá ásamt afriti af prófskírteini og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Nánari upplýsingar um Sjúkraþjálfun Landspítala

Starfshlutfall er 80 - 100%
Umsóknarfrestur er til og með 09.03.2020

Nánari upplýsingar veitir
Ragnheiður S Einarsdóttir - [email protected] - 543 9306


Landspítali
Sjúkraþjálfun
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira