Hoppa yfir valmynd
SumarstörfHöfuðborgarsvæðið202002/372Landspítali

Afleysingarstörf læknanema á geðþjónustu - Sumarstörf

Sumarstörf 2020 - Afleysingarstörf læknanema á geðþjónustu

Laus eru til umsóknar afleysingarstörf læknanema í geðþjónustu Landspítala sumarið 2020. Um er að ræða störf á bráðamóttöku, almennum móttökudeildum, bráðageðdeild, fíknigeðdeild og á endurhæfingarþætti geðþjónustu.
Tímabil starfanna er 7-14 vikur frá 1. júní til 31. ágúst en þó eigi lengur en til 17. ágúst hjá læknanemum við læknadeild Háskóla Íslands.

Æskilegt er að fjórða árs nemar geti starfað samfleytt frá 1. júní til 17. ágúst vegna þjálfunar, kennslu og aðlögunar fyrsta mánuðinn. Þeir fá fjórar vikur metnar af námskeiðinu í geðlæknisfræði á 5. ári. Nemar sem eru við nám erlendis og hafa lokið fjórða námsári þurfa að geta hafið störf um miðjan júní og starfað til loka ágúst. Nemar sem hafa lokið fimmta námsári geta sótt um skemmri starfstíma en 14 vikur. 
Störfin henta læknanemum sem hafa lokið fjórum eða fleiri námsárum af 6, sé tekið mið af námsskrá Háskóla Íslands.

Helstu verkefni og ábyrgð
» Tekur þátt í teymisvinnu með læknum, hjúkrunarfræðingum, sálfræðingum og félagsráðgjöfum 
» Aðstoðar við sjúkdómsgreiningu, meðferð og eftirfylgd sjúklinga undir stjórn lækna með sérfræðileyfi, deildarlækna og á ábyrgð yfirlæknis viðkomandi starfseiningar
» Aðstoðar við að veita sjúklingum bestu mögulegu læknisþjónustu sem tök eru á að veita hverju sinni
» Skráir í sjúkraskrá undir leiðsögn eftir reglum um skráningu lækna í sjúkraskrá
» Þátttaka í vaktavinnu (nemar sem hafa lokið námi í geðlæknisfræði)

Hæfnikröfur
» Hafa lokið fjórða eða fimmta námsári í læknisfræði
» Góð hæfni í mannlegum samskiptum og þverfaglegu samstarfi
» Sjálfstæði og frumkvæði í vinnubrögðum og skipulagshæfni

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
 
Vinsamlegast skráið sérstakar óskir varðandi það tímabil sem þið óskið eftir starfi í reitinn "annað" og fyllið vel út í reitina um menntun og fyrri störf, sem og aðra reiti. 

Æskilegt er að umsókninni fylgi ferilskrá í viðhengi ásamt einkunnum eða annarri staðfestingu á læknanámi. Í ferilskrá skal lýsa menntun, reynslu, fyrri störfum, áhugasviðum innan læknisfræðinnar, hvers vegna þið sækið um starfið og geta tveggja meðmælenda. 

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 09.03.2020

Nánari upplýsingar veitir
Engilbert Sigurðsson - [email protected] - 543 1000


Landspítali
Skrifstofa geðsviðs
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira