Hoppa yfir valmynd
HeilbrigðisþjónustaHöfuðborgarsvæðið202002/374Heilsugæsla höfuðborgarsvæðisins

Iðjuþjálfi - Heimahjúkrun

Iðjuþjálfi - Heimahjúkrun heilsugæsla höfuðborgarsvæðisins

Heimahjúkrun Heilsugæslu höfuðborgarsvæðisins í Hafnarfirði, Garðabæ og Kópavogi óskar eftir að ráða iðjuþjálfa í heimahjúkrun í 100% starf frá og með 1. maí 2020 eða eftir nánara samkomulagi. 

Helstu verkefni og ábyrgð
Iðjuþjálfi vinnur sjálfstætt en er í náinni samvinnu við aðra starfsmenn heimahjúkrunar. Hann veitir stuðning og ráðgjöf til skjólstæðinga og aðstandenda þeirra varðandi aðbúnað á heimili og úrræði þannig að skjólstæðingur geti verið öruggur í daglegu umhverfi sínu. 
Hann styður skjólstæðinga við að fylgja meðferðaráætlun og endurmetur þarfir þeirra í samræmi við hana.
Lögð er áhersla á aðgengilega þjónustu og að skjólstæðingar séu virkir í meðferð. Iðjuþjálfi vinnur að því að efla virkni og þátttöku í samfélaginu, efla og viðhalda iðju og færni þannig að skjólstæðingur geti sinnt sínum daglegu verkefnum eins og hægt er. 

Hæfnikröfur
- BS í iðjuþjálfun, starfsréttindi sem iðjuþjálfi.
- Æskileg starfsreynsla, 5 ár í starfi 
- Hefur góða almenna tölvuþekkingu (word, excel, powerpoint, outlook)
- Hefur mjög góð tök á rituðu íslensku máli
- Mjög góða hæfni í mannlegum samskiptum
- Færni til að vinna í þverfaglegu teymi
- Faglegur metnaður og áhugi á að vinna við heimahjúkrun
- Sjálfstæði í starfi
- Gilt ökuleyfi
- Hreint sakavottorð
- Góð íslensku og enskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Iðjuþjálfafélag Íslands hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun. 

Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar, Álfabakka 16, 109 Reykjavík. 

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. 

Starfshlutfall er 80%
Umsóknarfrestur er til og með 25.02.2020

Nánari upplýsingar veitir
Sigrún Kristín Barkardóttir - [email protected] - 513-6900
Hildur Sigurjónsdóttir - [email protected] - 513-6900


Heimahjúkrun á Suðursvæði, hjúkrun
Hlíðasmára 17
201 Kópavogur


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira