Hoppa yfir valmynd
SérfræðistörfHöfuðborgarsvæðið202003/560Háskóli Íslands

Doktorsnemi í stjarneðlisfræði við Raunvísindastofnun

Doktorsnemi í stjarneðlisfræði við Raunvísindastofnun


Raunvísindastofnun Háskóla Íslands auglýsir laust til umsóknar starf doktorsnema í stjarneðlisfræði til þriggja ára. 


Helstu verkefni og ábyrgð
Doktorsneminn mun tilheyra rannsóknarhópi Dr. Jesús Zavala Franco sem vinnur að þróun líkana sem lýsa myndun og þróun vetrarbrauta (ETHOS). Líkönin taka tillit til víxlverkana hulduefnis, annarra en þyngdarhrifa, í viðamiklum tölvureikningum. Verkefnið er fjármagnað af verkefnisstyrk frá Rannís og hefur að meginmarkmiði að leita vísbendinga um áhrif hulduefnis á eiginleika vetrarbrauta í gegnum tíðina. Í doktorsnáminu öðlast nemandinn góða innsýn í eðlisfræði hulduefnis, allt frá eiginleikum þeirra sem öreinda til áhrifa þeirra á myndun og þróun vetrarbrauta í alheimi. 


Hæfnikröfur
>>Meistaragráða í eðlisfræði eða stjarnfræði. Þeir sem munu ljúka meistaragráðu áður en starfið hefst haustið 2020 koma einnig til greina.
>>Góð enskukunnátta í töluðu og rituðu máli.
>>Góð hæfni í mannlegum samskiptum.
>>Umsækjandi þarf að geta unnið sjálfstætt og eiga gott með að vinna í teymi.

Sá sem verður ráðinn þarf að senda formlega umsókn um doktorsnám á heimasíðu Háskóla Íslands áður en ráðning hefst.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Starfið er til þriggja ára og hefst haustið 2020.

Umsókninni skal fylgja kynnisbréf þar sem fram kemur hvað vekur áhuga umsækjanda á verkefninu og hvað hann/hún hefur fram að færa við mótun og vinnslu þess. Kynnisbréfið skal ekki vera lengra en ein blaðsíða. Til viðbótar skal fylgja; i) ferilskrá, ii) afrit af prófskírteinum (grunnnám og meistaranám), iii) tvö umsagnarbréf og upplýsingar um hvernig má hafa samband við umsagnaraðila. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Verkfræði- og náttúruvísindasviði starfa um 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2900 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem báðar heyra undir Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans.
Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og ShanghaiRanking.


Starfshlutfall er 100%
Umsóknarfrestur er til og með 21.04.2020


Nánari upplýsingar veitir
Jesus Zavala Franco - [email protected] - 525 4776 



Verkfræði- og náttúruvísindasvið
Dunhaga 7
101 Reykjavík



Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira