Hoppa yfir valmynd
HeilbrigðisþjónustaHöfuðborgarsvæðið202003/564Landspítali

Hjúkrunarfræðingur í krabbameinsþjónstu, umsóknarfrestur framlengdur til 30. apríl 202

Hjúkrunarfræðingur í krabbameinsþjónstu


Hefur þú áhuga á að starfa við hjúkrun sjúklinga með krabbamein og vera með í að móta krabbameinsþjónustu á Landspítala?

Hjúkrunarfræðingar óskast til starfa á blóð- og krabbameinslækningadeildir 11B dagdeild og 11EG legudeild.
Á deildunum fer fram hjúkrun sjúklinga með krabbamein og illkynja blóðsjúkdóma í krabbameinslyfjameðferð, geislameðferð og líknarmeðferð. Áhersla er á einstaklingsmiðaða og heildræna þjónustu, fjölskylduhjúkrun, teymisvinnu og góðan starfsanda.

Við bjóðum nú upp á nýja valkosti í vinnufyrirkomulagi og sérhæfðri starfsþróun. Vinnufyrirkomulagið felst í því að unnin er dagvinna á dagdeild blóð- og krabbameinslækninga og helgar og vaktavinna á legudeild, vinnuhlutfall er samkomulagsatriði.
Sérhæfð starfsþróun sem er á vegum fagráðs krabbameinshjúkrunar felst í sérstöku starfsþróunarári fyrir þá sem ráða sig í krabbameinsþjónustu. Til viðbótar við einstaklingshæfða starfsaðlögun á deild verður í boði öflug fræðsla, námsdvöl á valdeild innan krabbameinsþjónustu og sérsniðinn stuðningur við þann nýráðna.
Við bjóðum velkomna jafnt reynslumikla hjúkrunarfræðinga og nýútskrifaða því við teljum að breidd í þekkingu og reynslu sé mikilvæg. Áhugasamir eru velkomnir í heimsókn og fá nánari kynningu á starfsemi deildanna.


Helstu verkefni og ábyrgð
» Veita sjúklingum og aðstandendum þeirra einstaklingsmiðaða hjúkrun, ráðgjöf og stuðning
» Þátttaka í þverfaglegri teymisvinnu
» Virkur þátttakandi í þróun og uppbyggingu þjónustunnar


Hæfnikröfur
» Faglegur metnaður og áhugi á að starfa við krabbameinshjúkrun
» Ábyrgð í starfi, góðir samskiptahæfileikar og jákvætt viðmót
» Íslenskt hjúkrunarleyfi


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 50 - 100%
Starfið auglýst 12. mars 2020. Umsóknarfrestur er framlengdur til og með 30.04.2020


Nánari upplýsingar veitir
Kristjana G Guðbergsdóttir - [email protected] - 824 5937
Þórunn Sævarsdóttir - [email protected] - 825 3523


Landspítali
Blóð- og krabbameinslækningadeild
Hringbraut
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira