Hoppa yfir valmynd
SérfræðistörfHöfuðborgarsvæðið202003/560Háskóli Íslands

Nýdoktor í stjarneðlisfræði við Raunvísindastofnun

Nýdoktor í stjarneðlisfræði við Raunvísindastofnun


Raunvísindastofnun Háskólans auglýsir laust til umsóknar starf nýdoktors í stjarneðlisfræði hulduefnis.


Helstu verkefni og ábyrgð
Nýdoktorinn mun tilheyra rannsóknarhópi Dr. Jesús Zavala Franco sem vinnur að þróun líkana sem lýsa myndun og þróun vetrarbrauta (ETHOS). Líkönin taka tillit til víxlverkana hulduefnis, annarra en þyngdarhrifa, í viðamiklum tölvureikningum. Verkefnið er fjármagnað af verkefnisstyrk frá Rannís og hefur að meginmarkmiði að leita vísbendinga um áhrif hulduefnis á eiginleika vetrarbrauta í gegnum tíðina.


Hæfnikröfur
>>Doktorsgráða í eðlisfræði, stjarnfræði eða skyldum greinum. Þeir sem munu ljúka PhD gráðu áður en starfið hefst haustið 2020 koma einnig til greina.
>>Umsækjandi þarf að hafa yfirgripsmikla þekkingu á eindaeðli hulduefnis, tengslum þess við heimsfræði og myndun og þróun vetrarbrauta.
>>Færni í mannlegum samskiptum, sjálfstæði í vinnubrögðum ásamt því að geta unnið í teymi.
>>Góð enskukunnátta í töluðu og rituðu máli.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Starfið er til tveggja ára og hefst haustið 2020.

Auk launa mun nýdoktor verða veitt fjármagn til rannsóknarheimsókna og ráðstefnuferða. 

Umsókninni skal fylgja kynnisbréf þar sem fram kemur hvað vekur áhuga umsækjanda á verkefninu og hvað hann/hún hefur fram að færa við mótun og vinnslu þess. Kynnisbréfið skal ekki vera lengra en ein blaðsíða. Til viðbótar skal fylgja; i) ferilskrá með ritaskrá, ii) afrit af prófskírteinum (meistaranám og doktorsnám), iii) þrjú umsagnarbréf og upplýsingar um hvernig má hafa samband við umsagnaraðila.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Verkfræði- og náttúruvísindasviði starfa um 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2900 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem báðar heyra undir Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans.
Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og ShanghaiRanking.


Starfshlutfall er 100%
Umsóknarfrestur er til og með 21.04.2020


Nánari upplýsingar veitir
Jesus Zavala Franco - [email protected] - 525 4000



Verkfræði- og náttúruvísindasvið
Dunhaga 7
101 Reykjavík



Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira