Hoppa yfir valmynd
SérfræðistörfHöfuðborgarsvæðið202003/593Háskóli Íslands

Lektor í stjórnmálafræði

Lektor í stjórnmálafræði


Stjórnmálafræðideild Háskóla Íslands auglýsir laust til umsóknar fullt starf lektors í stjórnmálafræði. 


Helstu verkefni og ábyrgð
Lektornum er ætlað að sinna kennslu og rannsóknum á sviði stjórnmálafræði. Megin kennsluskylda lektorsins yrði í grunnnámi í stjórnmálafræði og framhaldsnámi deildarinnar. Æskileg sérsvið: samanburðarstjórnmál; stjórnmálahagfræði; megindleg aðferðafræði og stjórnmálaatferli. 


Hæfnikröfur
>> Doktorspróf í stjórnmálafræði eða sambærulegu námi.
>> Kennslureynsla á sviðum sérsviða er æskileg.
>> Virkni og hæfni í rannsóknum með sýnilegum hætti. 
>> Hæfni í mannlegum samskiptum, áreiðanleiki, frumkvæði og sjálfstæði í vinnubrögðum eru nauðsynleg, ásamt góðri hæfni til að miðla þekkingu. 
>> Góð íslenskukunnátta. 


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður horft til þess að umsækjendur falli sem best að aðstæðum og þörfum Stjórnmálafræðideildar og Félagsvísindasviðs.
Ráðið verður í starfið til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Miðað er við að ráðið verði í starfið frá 1. júlí 2020, þó ekki fyrr en lokið er störfum þeirra nefnda sem um ráðninguna fjalla.

Umsækjendur skulu láta fylgja umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og greinargerð um áform ef til ráðningar kemur. Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Umsóknum og umsóknargögnum sem ekki er skilað rafrænt skal skila í tvíriti til vísindasviðs Háskóla Íslands, Sæmundargötu 2, 101 Reykjavík.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Stjórnmálafræðideild er ein af sex deildum Félagsvísindasviðs með rúmlega 600 nemendur. Í deildinni eru stundaðar rannsóknir og kennsla í stjórnmálafræði, alþjóðasamskiptum, opinberri stjórnsýslu, kynjafræði, blaða- og fréttamennsku, fjölmiðla- og boðskiptafræði auk vestnorrænna fræða. 


Starfshlutfall er 100%
Umsóknarfrestur er til og með 14.04.2020


Nánari upplýsingar veitir
Maximilian Conrad - [email protected] - 525 5451 


Stjórnmálafræðideild
Sæmundargötu 4
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira