Hoppa yfir valmynd
HeilbrigðisþjónustaHöfuðborgarsvæðið202003/595Landspítali

Hjúkrunarfræðingur - dagvinna á göngudeild þvagfæra - Umsóknarfrestur er framlengdur til og með 14. apríl 2020

Hjúkrunarfræðingur - dagvinna á göngudeild þvagfæra


Við erum með lausa stöðu fyrir framsækinn og metnaðarfullan hjúkrunarfræðing í dagvinnustarf á göngudeild þvagfæra á 11A við Hringbraut. Á deildinni er veitt sérhæfð göngudeildarþjónusta við sjúklinga utan sem innan spítalans auk ráðgjafar og kennslu. Þar fer fram undirbúningur sjúklinga fyrir aðgerðir á sjúkdómum í þvagfærum og nýrnasteinsbrjótsmeðferð, þvaglekaráðgjöf og stuðningur við sjúklinga með krabbamein í þvagfærum.

Á deildinni er öflugur hópur reyndra hjúkrunarfræðinga, þar ríkir góður starfsandi sem einkennist af vinnugleði og metnaði. Markvisst er unnið að umbótum og framþróun hjúkrunar sérgreinarinnar.
Í boði er fyrir áhugasama hjúkrunarfræðinga að sækja nám í Urotherapiu árið 2021 í Svíþjóð. Námið er þverfaglegt, metnaðarfullt, og vel skipulagt. Hjúkrunarfræðingur sem lokið hefur náminu er sérhæfður ráðgjafi í þvagfæravandamálum hjá börnum og fullorðnum.

Við tökum vel á móti nýjum starfsmönnum og veitum einstaklingbundna aðlögun undir leiðsögn reyndra hjúkrunarfræðinga. Velkomið að kíkja í heimsókn, áhugasamir hafi samband við Hrafnhildi deildarstjóra.


Helstu verkefni og ábyrgð
» Ákveða, skipuleggja og veita hjúkrunarmeðferð í samráði skjólstæðinga og bera ábyrgð á meðferð skv. starfslýsingu
» Þátttaka í þverfaglegri teymisvinnu innan deildar og í samvinnu við legudeildir sérgreina


Hæfnikröfur
» Faglegur metnaður og sjálfstæði í starfi
» Jákvætt viðmót og góðir samskiptahæfileikar
» Áhugi á að starfa í krefjandi og fjölbreyttu umhverfi
» Hæfni og geta til að vinna í teymi 
» Íslenskt hjúkrunarleyfi 


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Æskilegt að umsækjandi geti hafið störf sem fyrst eða eftir nánara samkomulagi. Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 80 - 100%
Starfið auglýst 18. mars 2020. Umsóknarfrestur er framlengdur til og með 14.04.2020


Nánari upplýsingar veitir
Hrafnhildur L Baldursdóttir - [email protected] - 825 3728


Landspítali
Göngudeild þvagfæra
Hringbraut
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira