Hoppa yfir valmynd
SérfræðistörfHöfuðborgarsvæðið202003/602Háskóli Íslands

Doktorsnemi í eðlisfræði við Raunvísindastofnun

Doktorsnemi í eðlisfræði við Raunvísindastofnun


Raunvísindastofnun Háskólans auglýsir laust til umsóknar starf doktorsnema í eðlisfræði. Staðan er hluti af verkefninu: Interface coupling and structural phase transitions in hybrid magnetic heterostructures. Verkefnið er styrkt af Rannís til þriggja ára.


Helstu verkefni og ábyrgð
Verkefnið felst í rannsóknum á eiginleikum málmoxíða, svo sem vanadín oxíða, og víxlverkun þeirra við segulefni í marglögum. Verkefnið felst í að rannsaka þá efniseðlisfræði og þéttefnisfræði sem á sér stað í víxlverkun segulefna og málmoxíða þegar þau fara í gegnum fasabreytingar. 

Innan verkefnisins verður unnið að: 
>>Þróun og gerð þunnra húða með segulspætutækni. 
>>Rannsóknum á raf- og seguleiginleikum oxíð- og segulmarglaga og tengslum þeirra við kristalgerð efnanna. 
>>Líkanagerð og útreikningum á seguleiginleikum marglaga. 
>>Rannsóknum með sérhæfðum mæliaðferðum sem aðgengilegar eru hjá alþjóðlegum rannsóknarstofnunum svo sem mælingum með skautuðum nifteindum og samhraðalsgeislun.


Hæfnikröfur
>>Umsækjendur þurfa að hafa lokið meistaragráðu í eðlisfræði, eðlisverkfræði, efnisfræði eða tengdum greinum.
>>Umsækjandi þarf að geta unnið sjálfstætt og eiga gott með að vinna í teymi.
>>Krafa er um góða enskukunnáttu í töluðu og rituðu máli.
>>Doktorsneminn mun þurfa að kynna niðurstöður verkefnisins í ritrýndum vísindagreinum og á alþjóðlegum ráðstefnum.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Sá sem verður ráðinn þarf að senda formlega umsókn um doktorsnám á heimasíðu Háskóla Íslands áður en ráðning hefst.

Umsókninni skal fylgja kynnisbréf þar sem fram kemur hvað vekur áhuga umsækjanda á verkefninu og hvað hann/hún hefur fram að færa við mótun og vinnslu þess. Kynnisbréfið skal ekki vera lengra en ein blaðsíða. Til viðbótar skal fylgja; i) ferilskrá, ii) afrit af prófskírteinum (grunnnám og meistaranám), iii) tvö umsagnarbréf og upplýsingar um hvernig má hafa samband við umsagnaraðila.
Verkefnið verður unnið við Örtækni og efnisvísindasetur Háskóla Íslands www.uinc.hi.is

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Verkfræði- og náttúruvísindasviði starfa um 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2900 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem báðar heyra undir Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og ShanghaiRanking.


Starfshlutfall er 100%
Umsóknarfrestur er til og með 15.05.2020


Nánari upplýsingar veitir
Unnar Bjarni Arnalds - [email protected] - 5254692 



Verkfræði- og náttúruvísindasvið
Dunhaga 7
101 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira