Hoppa yfir valmynd
StjórnunarstörfHöfuðborgarsvæðið202003/605Landspítali

Hjúkrunardeildarstjóri Rjóðurs

Hjúkrunardeildarstjóri Rjóðurs


Við leitum eftir kraftmiklum stjórnanda til að leiða og efla starfsemi Rjóðurs og byggja upp sterka liðsheild. Rjóður er hjúkrunar-, hvíldar- og endurhæfingarheimili fyrir langveik börn og fötluð langveik börn á aldrinum 0-18 ára. Á hverjum tíma dvelja 5-6 börn sem þarfnast mikillar hjúkrunar og umönnunar auk afþreyingar og leiks. Að auki koma börn í dagdeildarþjónustu vegna endurhæfingar sem í flestum tilvikum hafa legið á Barnaspítala Hringsins. Mikið samvinna er við fagfólk Barnaspítala Hringsins.

Hjúkrunardeildarstjóri er leiðtogi og hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð. Starfshlutfall er 100% og veitist starfið frá 1. júní 2020 eða eftir samkomulagi. Ráðið er í starfið til 5 ára, sbr. 9.gr. laga nr. 40/2007 og stefnu Landspítala í ráðningum yfirmanna.


Helstu verkefni og ábyrgð
» Fagleg ábyrgð á uppbyggingu, skipulagi og þróun starfseminnar, stuðlar að þekkingarþróun og hvetur til rannsókna og nýtingu rannsókna í nánu samstarfi við aðra stjórnendur
» Starfsmannaábyrgð, þ.e. ábyrgð á uppbyggingu mannauðs og daglegri stjórnun starfsmanna á deildinni í samráði við mannauðsstjóra og forstöðumann kvenna- og barnaþjónustu
» Fjárhagsleg ábyrgð, þ.e. ábyrgð á rekstrarkostnaði deildarinnar í samráði við fjármálaráðgjafa og forstöðumann kvenna- og barnaþjónustu
» Ábyrgð á árangri og umbótastarfi, setur markmið um öryggi og gæða- og umbótastarf og tryggir eftirfylgni, í nánu samráði við aðra stjórnendur


Hæfnikröfur
» Íslenskt hjúkrunarleyfi
» A.m.k. 5 ára starfsreynsla sem hjúkrunarfræðingur
» Viðbótarmenntun á háskólastigi sem nýtist í starfi 
» Þekking og reynsla af öryggis-, gæða- og umbótastarfi er skilyrði og stjórnunarreynsla æskileg
» Reynsla af verkefnastjórnun æskileg
» Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar
» Frumkvæði, drifkraftur og stefnumótandi hugsun


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Í umsóknarformið skal skrá inn upplýsingar um:
» Fyrri störf, menntun og hæfni
» Félagsstörf og umsagnaraðila

Nauðsynleg fylgiskjöl:
» Vottað afrit af prófskírteinum og starfsleyfum
» Ferilskrá ásamt kynningarbréfi með rökstuðningi fyrir hæfni og sýn á starfið

Umsóknir verða sendar til stöðunefndar hjúkrunarráðs Landspítala. Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 100%
Umsóknarfrestur er til og með 06.04.2020


Nánari upplýsingar veitir
Hlíf Steingrímsdóttir - [email protected] - 824 5286
Linda Kristmundsdóttir - [email protected] - 824 5997


Landspítali
Skrifstofa aðgerðasviðs
Hringbraut
101 Reykjavík


Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira