Hoppa yfir valmynd
HeilbrigðisþjónustaHöfuðborgarsvæðið202003/611Landspítali

Teymisstjóri kynamateymis Barna- og unglingageðdeildar BUGL

Teymisstjóri kynamateymis Barna- og unglingageðdeildar BUGL 


Starf teymisstjóra kynamateymis (transteymis) er laust til umsóknar frá 1. maí 2020 eða eftir nánara samkomulagi. Um er að ræða starf sem krefst sérhæfðrar þekkingar á kynama og mun viðkomandi fá fræðslu og þjálfun á því sviði, bæði innanlands og utan.

Á göngudeild BUGL er veitt sérhæfð þverfagleg þjónusta sem tekur mið af þörfum barna og fjölskyldna þeirra. Unnið er í þverfaglegum teymum og er mikil samvinna höfð við fagaðila í nærumhverfi. Á deildinni er tekið á móti börnum upp að 18 ára aldri sem eiga við geðheilsuvanda að stríða og er lögð áhersla á alúð í samskiptum og gott samstarf við foreldra/ forráðamenn. Áhersla er lögð á fjölskylduhjúkrun. Á deildinni starfar öflugur hópur fagaðila, s.s. hjúkrunarfræðingar, læknar, sálfræðingar, iðjuþjálfar og félagsráðgjafar. 


Helstu verkefni og ábyrgð
» Þróun og mótun nýs kynamateymis í samráði við stjórnendur s.s. mótun verklagsreglna og klínískra leiðbeininga
» Teymisvinna við sérhæfða þverfaglega þjónustu BUGL
» Þátttaka í umbóta- og gæðastarfi
» Móttaka, meðferð og eftirfylgni barna og unglinga með kynama, m.a. kynsemdarröskun í bernsku í samvinnu við aðra fagaðila
» Fræðsla, þjálfun og ráðgjöf til barna og fjölskyldna þeirra
» Gerð og eftirfylgd einstaklingsáætlana í samráði við stjórnendur
» Leiðsögn og þjálfun starfsmanna


Hæfnikröfur
» Íslenskt hjúkrunarleyfi
» Framhaldsnám í geðhjúkrun eða skyldum greinum er æskilegt
» Menntun á sviði fjölskyldumeðferðar eða fjölskylduhjúkrunar er æskileg
» Reynsla af meðferðarstarfi með börnum og fjölskyldum er æskileg
» Mjög góð samskiptahæfni og hæfni til að vinna í teymum
» Sveigjanleiki og sjálfstæði í vinnubrögðum
» Áhugi á þverfaglegu samstarfi


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggir á innsendum gögnum og viðtölum. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 80 - 100%
Umsóknarfrestur er til og með 20.04.2020


Nánari upplýsingar veitir
Helga Jörgensdóttir - [email protected] - 824 5783
Valgerður Hafdís Jensen - [email protected] - 543 4373


Landspítali
Göngudeild BUGL
Dalbraut 12
105 Reykjavík


Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira