Hoppa yfir valmynd
HeilbrigðisþjónustaAkureyri202003/612Háskólinn á Akureyri

Forstöðumaður Sjávarútvegsmiðstöðvar Háskólans á Akureyri

Forstöðumaður Sjávarútvegsmiðstöðvar Háskólans á Akureyri


Háskólinn á Akureyri auglýsir lausa 100% stöðu forstöðumanns Sjávarútvegsmiðstöðvar við auðlindadeild viðskipta- og raunvísindasviðs HA
Leitað er að sérfræðingi á sviði sjávarútvegs með áherslu á stjórnun, rekstur og rannsóknir. Forstöðumaður þarf að hafa starfsreynslu á sviði sjávarútvegs og þekkingu á atvinnugreininni. Krafist er menntunar á sviði stjórnunar og reksturs. Góð þekking á alþjóðlegum fiskveiðum og sjávarútvegi er æskileg. 

Miðað er við að viðkomandi geti hafið störf  2. maí 2020. 


Helstu verkefni og ábyrgð


Forstöðumaður Sjávarútvegsmiðstöðvar ber faglega og fjárhagslega ábyrgð á starfsemi miðstöðvarinnar og vinnur að stefnumótun og áætlanagerð í samstarfi við forseta fræðasviðsins. Forstöðumaður hefur einnig forgöngu um nýbreytni og þróun í starfi miðstöðvarinnar. Helstu verkefni eru stjórnun og samræming á verkefnum innan Sjávarútvegsmiðstöðvarinnar, þróun og innleiðing á nýbreytni í verkefnum og upplýsingamiðlun. Ennfremur ber forstöðumaður ábyrgð á starfsmanna- og fjármálum Sjávarútvegsmiðstöðvarinnar í samstarfi við næsta yfirmann. 

Á meðal helstu verkefna Sjávarútvegsmiðstöðvar má nefna skipulag og rekstur Sjávarútvegsskóla unga fólksins (sumarskóli) í samvinnu við vinnuskóla sveitarfélaga og fyrirtæki í sjávarútvegi og tengdum greinum, vinna með verkefnastjóra Sjávarútvegsskóla UNESCO/GRÓ að skipulagi náms við Háskólann á Akureyri og heimsókna í sjávarútvegsfyrirtæki á svæðinu, mótun rannsóknaáætlana og framkvæmd þeirra, öflun fjármagns til verkefna miðstöðvarinnar og ábyrgð á þjónustusamningum hennar m.a. við ráðuneyti. Næsti yfirmaður er forseti Viðskipta- og raunvísindasviðs Háskólans á Akureyri. Starfsstöð er á Akureyri.

Sjávarútvegsmiðstöð Háskólans á Akureyri hefur það að markmiði að styðja við þá stefnu háskólans að efla tengsl atvinnulífs og skóla, styrkja gagnkvæm tengsl og rannsóknir svo og að afla og miðla þekkingu um sjávarútveg. 


Hæfnikröfur
- Umsækjandi skal hafa þekkingu og reynslu á sviði sjávarútvegs og eða tengdum greinum. 
- Umsækjandi þarf að hafa góð tengsl við fyrirtæki í sjávarútvegi og stofnanir tengdar atvinnugreininni.
- Meistarapróf á sviði stjórnunar og reksturs.
- Æskilegt er að umsækjandi hafi reynslu af rannsóknastörfum á sviði sjávarútvegs og stoðgreina hans. Góð þekking á öðrum sviðum auðlindanýtingar er einnig æskileg. 
- Krafist er góðrar hæfni í mannlegum samskiptum, samstarfslipurðar og skipulagshæfni. 
- Gott vald á íslensku og ensku, jafnt töluðu sem rituðu máli. 
- Við mat á umsóknum er tekið mið af hversu vel viðkomandi uppfyllir þarfir Sjávarútvegsmiðstöðvarinnar. 


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Umsókn skal fylgja:
- Greinargott yfirlit yfir náms- og starfsferil.
- Staðfest afrit af viðeigandi prófskírteinum.
- Kynningarbréf þar sem gerð er grein fyrir hæfni umsækjanda í starfið og sýn umsækjanda á tækifæri við uppbyggingu Sjávarútvegsmiðstöðvar til framtíðar. 
- Tilnefna skal a.m.k. tvo meðmælendur, æskilegt er að einn þeirra sé næsti yfirmaður í núverandi starfi eða fyrra starfi umsækjanda. 

Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga um opinbera háskóla nr. 85/2008, reglur fyrir Háskólann á Akureyri nr. 387/2009. Ófullnægjandi umsóknir eru ekki teknar til greina. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur. Öllum umsóknum verður svarað þegar ákvörðun um ráðningu í starfið hefur verið tekin.

Háskólinn á Akureyri stuðlar að jafnrétti kynjanna og hvetur konur jafnt sem karla til að sækja um laus störf.


Starfshlutfall er 100%
Umsóknarfrestur er til og með 03.04.2020


Nánari upplýsingar veitir
Rannveig Björnsdóttir - [email protected] - 4608515


Háskólinn á Akureyri (02210)
Norðurslóð 2
600 Akureyri


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira