Hoppa yfir valmynd
SérfræðistörfHöfuðborgarsvæðið202004/662Háskóli Íslands

Lektor í eðlisfræði - umsóknarfrestur framlengdur til 2. júní 2020

Lektor í eðlisfræði


Laust er til umsóknar fullt starf lektors í tilraunaeðlisfræði við eðlisfræðinámsbraut Raunvísindadeildar á Verkfræði- og náttúruvísindasviði Háskóla Íslands. Starfið felst meðal annars í að byggja upp sjálfstæðar rannsóknir sem standast alþjóðlegan samanburð. 


Helstu verkefni og ábyrgð

Viðkomandi mun sinna kennslu námskeiða í eðlisfræði og í verkfræðilegri eðlisfræði, bæði í grunn- og framhaldsnámi, og leiðbeina framhaldsnemum í rannsóknanámi. Enn fremur er ætlast til þess að viðkomandi hafi umsjón með verklegri kennslu og búnaði til verklegrar þjálfunar í BS námi. Fyrirlestrar í grunnnámi fara almennt fram á íslensku en Háskóli Íslands aðstoðar erlenda starfsmenn við að læra og ná tökum á íslensku máli.


Hæfnikröfur
- Doktorspróf í eðlisfræði eða skyldri grein. Æskilegt er að ekki séu liðin meira en 10 ár frá próflokum.
- Kennslureynsla á háskólastigi.
- Virkni í rannsóknum á alþjóðavettvangi.
- Reynsla af öflun styrkja til rannsóknaverkefna.
- Góð samstarfshæfni og lipurð í mannlegum samskiptum.
- Góð enskukunnátta í töluðu og rituðu máli.

Við ráðningu verður horft til þess að umsækjendur falli sem best að aðstæðum og þörfum Eðlisfræðinámsbrautar og Raunvísindadeildar. 


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að starfið hefjist 1. janúar 2021.

Umsókninni skal fylgja kynningarbréf, ferilskrá (CV) og ritaskrá ásamt stuttum greinargerðum um rannsóknaáform og eigin sýn á kennslu og kennsluhætti. Í umsókn skal koma fram hver ritverka sinna, allt að átta talsins, umsækjandi telur veigamest. Umsækjendur skulu senda þessi ritverk sín sem pdf skjöl með umsókn. Þegar fleiri en einn höfundur stendur að innsendu ritverki skal umsækjandi gera grein fyrir framlagi sínu til verksins. Þrjú meðmælabréf skulu einnig fylgja umsókninni, sem meðal annars taka á færni umsækjanda í rannsóknum og kennslu.
Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í starfi strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og tímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. 

Á sviðinu eru um 2000 nemendur en við Raunvísindadeild stunda um 400 stúdentar nám í efnafræði, eðlisfræði og stærðfræði. Þar af eru framhaldsnemar í meistara- og doktorsnámi um 60 talsins. Akademískir starfsmenn í raunvísindum eru um 40, kennarar og sérfræðingar við Eðlisvísindastofnun (EH). Stofnunin er rannsóknarvettvangur kennara, sérfræðinga og framhaldsnema sem stunda grunnrannsóknir í raunvísindum. EH hefur sterk alþjóðleg tengsl og mörg rannsóknarverkefni eru unnin í víðtæku samstarfi vísindamanna hérlendis og erlendis.


Starfshlutfall er 100%
Umsóknarfrestur er til og með 02.06.2020


Nánari upplýsingar veitir
Jóhanna Ella Jónsdóttir - [email protected] - 525 4000



Raunvísindadeild
Hjarðarhaga 2-6
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira